Kabinet-Gerbrandy III
| Kabinet-Gerbrandy III | ||
| Lân |  Nederlân | |
| Koälysje | RKSP, ARP, VDB | |
| Steatshaad | Wilhelmina | |
| Premier | Piter Sjoerds Gerbrandy | |
| Beëdiging | 23 febrewaris 1945 | |
| Demisjonêr | 12 maaie 1945 | |
| Untslachdatum | 25 juny 1945 | |
| Foargonger | Gerbrandy II | |
| Opfolger | Schermerhorn-Drees | |
| Oersjoch kabinetten | ||
It kabinet-Gerbrandy III (ek bekend as London IV) wie ien fan de fjouwer Londenske kabinetten dy't yn de Twadde Wrâldkriich it Nederlânske Regear-yn-ballingskip foarmen, dy't sit hiene yn Londen.
It kabinet Gerbrandy-III ûntstie nei't yn jannewaris 1945 de SDAP-ministers harren ûntslach oanbean hiene. Dit kabinet bea nei de Befrijing op 5 maaie 1945 syn ûntslach oan, om it paad frij te meitsjen foar it earste nei-oarlochske regear.
It kabinet regearre noch út Londen wei, mar inkelde ministers, ûnder oare Beel, ferbleaunen al in skoft yn it befrijde Nederlân (yn Oisterwijk). In wichtich part fan de bestjoerstaken yn it befrijde part fan Nederlân waarden ûnder ferantwurdlikheid fan de minister fan Kriich útoefene troch it Militêr bewâld, ûnder lieding fan generaal Kruls.
Minister Beel kaam mei in tydlike regeling foar de gemeentlike en provinsjale bestjoeren nei de kriich. Der kamen need-gemeenterieden, dy't troch in apart pleatslik kieskolleezje beneamd waarden.
| Boarnen, noaten en/as referinsjes: |
|
