Julia Jones

Ut Wikipedy
Springe nei navigaasje Springe nei sykjen
Julia Jones
Filmklapper.png akteur
Julia Jones 1.jpg
persoanlike bysûnderheden
echte namme Julia Jones
nasjonaliteit Flag of the United States.svg Amerikaansk
berne 23 jannewaris 1981
berteplak Boston (Massachusetts)
etnisiteit Flag of the UNIA.svg Afro-Amerikaansk
Flag of England.svg Ingelsk
Flagge fan de Tsjikkesou Naasje.PNG Tsjikkesou (Chickasaw)
Flagge fan de Tsjoktou Naasje.PNG Tsjoktou (Choctaw)
jierren aktyf 2003 – no
offisjele webside
Julia Jones op Twitter

Julia Jones (Boston, 23 jannewaris 1981) is in Amerikaansk aktrise en model. Hja is it bekendst wurden mei har rol as Leah Clearwater yn The Twilight Saga-filmsearje en dy fan Kohana yn 'e tillefyzjesearje Westworld. Fierders spile se mei yn films as Black Cloud, Hell Ride, Jonah Hex en Wind River.

Libben en karriêre[bewurkje seksje | boarne bewurkje]

Jonkheid en oplieding[bewurkje seksje | boarne bewurkje]

Jones waard yn 1981 berne yn 'e stêd Boston, yn 'e Amerikaanske steat Massachusetts. Se is fan mingd Ingelsk, Afro-Amerikaansk en Yndiaansk etnysk komôf, wêrby't se bloed hat fan sawol de Tsjikkesou (Chickasaw) as de Tsjoktou (Choctaw). Mei fjouwer jier begûn se al in balletoplieding oan 'e Boston Ballet School. Doe't se acht jier wie, sette se útein mei aktearjen yn toanielstikken en reklamespotsjes. Se genoat fuortset ûnderwiis oan 'e Boston Latin School, de âldste iepenbiere skoalle yn 'e Feriene Steaten. Neitiid behelle se in bachelorgraad yn Ingelske taal- en letterkunde oan 'e Columbia Universiteit.

Karriêre[bewurkje seksje | boarne bewurkje]

Jones begûn har karriêre as model, wêrby't se wurke hat foar katalogussen fan û.o. Levi Strauss & Co., Gap Inc., Esprit Holdings en L'Oréal. Ek wie se yn 2010 te sjen yn 'e fideoklip fan it nûmer Hold That Thought, fan sjonger Chuck Wicks.

Se makke har debút as filmaktrise yn 2003 yn The Look. Foar har rol fan Sammi, yn Black Cloud (2004), wûn se in FAITA Award yn 'e kategory bêste aktrise. Yn 'e 2000-er jierren wie Jones fierders û.m. te sjen yn 'e koarte film The Reckoning (2007), de troch Quentin Tarantino produsearre motorrider-remake Hell Ride (2008) en as dokter Kaya Montoya yn in weromkearende rol yn fjouwer ôfleverings fan 'e sikehûssearje ER. Yn 2009 stie se yn it Mark Taper Forum yn Los Angeles op 'e planken mei in rol yn Palestine, New Mexico, in toanielstik oer de botsing tusken ferskillende kultueren.

Yn 2010 waard Jones cast yn 'e rol fan Cassie yn 'e superheldewestern Jonah Hex. Se spile de rol fan Leah Clearwater yn 'e lêste trije films fan The Twilight Saga-filmsearje: The Twilight Saga: Eclipse (2010), The Twilight Saga: Breaking Dawn – Part 1 (2011) en The Twilight Saga: Breaking Dawn – Part 2 (2012). Mei dy rol waard se bekend by in breder publyk. Yn dyselde snuorje spile Jones ek yn films as California Indian (2011), Missed Connections (2012), en Winter in the Blood (2013). Fierders wie se te sjen yn in gastrol yn 'e ôflevering Reservations, I've Got a Few (2012) fan 'e tillefyzjesearje In Plain Sight, en yn 'e tillefyzjefilm The Thanksgiving House (2013).

Jones fertolke yn 2015 as tsjinspylster fan Adam Sandler de froulike haadrol fan Smoking Fox yn 'e komeedzjefilm The Ridiculous 6. Datselde jiers wie se ek te sjen yn 'e weromkearende rol fan Gabriella Langton yn fjouwer ôfleverings fan 'e plysjesearje Longmire. Yn 2017 spile se Wilma Lambert, de mem fan in fermoarde dochter en de ferfrjemde frou fan 'e haadpersoan (spile troch Jeremy Renner) yn 'e neo-western Wind River.

Ek wie Jones te sjen yn 'e films Tao of Surfing (2018), Angelique's Isle (2018) en Cold Pursuit (2019). Yn 2018 hie se ien fan har bekendste rollen as Kohana yn seizoen 2 fan 'e tillefyzjesearje Westworld. Yn 2019 spile se de fêste rol fan Stephanie Littlecrow yn seizoen 3 fan 'e searje Goliath. Jones hie dat jiers ek in gastrol as Omera yn 'e ôflevering Chapter 4: Sanctuary fan 'e Star Wars-tillefyzjesearje The Mandalorian. Yn 2021 hie se in fêste rol yn 'e searje Dexter: New Blood en begûn se in weromkearende rol as stimaktrise yn 'e tekenfilmsearje The Ghost and Molly McGee.

Filmografy[bewurkje seksje | boarne bewurkje]

Filmografy as akteur
jier titel rol of funksje opmerkings
films
2003 The Look Gigi
2004 Black Cloud Sammi
2007 The Reckoning Gina koarte film
2008 Hell Ride Cherokee Kisum
2008 Three Priests Abby
2010 Jonah Hex Cassie
2010 The Twilight Saga: Eclipse Leah Clearwater
2011 The Twilight Saga: Breaking Dawn – Part 1    Leah Clearwater
2011 California Indian April Cordova
2012 Missed Connections Tess Wright
2012 The Twilight Saga: Breaking Dawn – Part 2 Leah Clearwater
2012 Rich Girl Problems Celeste koarte film
2013 Winter in the Blood Agnes First Raise
2015 The Ridiculous 6 Smoking Fox
2017 Wind River Wilma Lambert
2018 Tao of Surfing Amber
2018 Angelique's Isle Angelique Mott
2019 Cold Pursuit Aya
2020 Think Like a Dog aginte Muñoz
tillefyzje
2008 ER dokter Kaya Montoya weromkearende rol; 4 ôfl.
2012 In Plain Sight Heather Pierce gastrol; ôfl. Reservations, I've Got a Few
2013 The Thanksgiving House Victoria tillefyzjefilm
2015 Longmire Gabriella Langton weromkearende rol; 4 ôfl.
2017 High School Lover Samantha Winters tillefyzjefilm
2018 Westworld Kohana weromkearende rol yn seizoen 2
2019 Goliath Stephanie Littlecrow    fêste rol yn seizoen 3
2019 The Mandalorian Omera gastrol; ôfl. Chapter 4: Sanctuary
2021 Rutherford Falls Sally weromkearende rol yn seizoen 1
2021 Dexter: New Blood Angela Bishop fêste rol
2021–no The Ghost and Molly McGee Miss Lightfoot as stimaktrise; weromkearende rol

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.