Johnny Weissmuller
| ||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||
.svg){kind=small}
Peter Johann (Johnny) Weissmuller (Freidorf Eastenryk-Hongarije, 2 juny 1904 - Acapulco Meksiko, 20 jannewaris 1984) wie in Amerikaansk swimmer en akteur.
Biografy
[bewurkje seksje | boarne bewurkje]Hy waard berne as Peter Johann Weissmüller yn Freidorf (in wyk yn it hjoeddeiske Timișoara yn Roemeenje) yn it doetiidske Eastenryksk-Hongaarske ryk en doopt as János Weissmüller. Syn âlden wiene de Dútsksprekkende Eastenrikers Petrus Weißmüller en Erzsébet Kersch.
Doe't Johann sân moanne âld wie ferhuze wie de húshâlding nei Amearika. Mei de S.S. Rotterdam setten hja op 14 jannewaris 1905 ôf út Rotterdam en kamen tolve dagen letter oan yn New York. By oankomst waarden harren nammen feroare yn de mear Ingelsk klinkende nammen Peter, Elizabeth en Johnny Weissmuller.
Nei in tal jierren yn Pennsylvania wenne te hawwen ferhuze de famylje nei Chicago. Johnny's heit wie de eigener fan in bar en syn mem waard sjefkok yn in restaurant.
Al op jonge leeftiid wiene Johnny en syn broer goede swimmers. De strannen fan it Michiganmar waarden harren favorite simmerbestimming. Hy waard lid fan it Stanton Park-swimbad en wûn alle jeugdtoernoaien. Op syn tolfde waard er opnaam yn it YMCA-swimteam. Op 9 july 1922 swom Weissmuller as earste minske ûnder de minút op 'e 100 m frije slach.
Hy die twa kear mei oan de Olympyske Simmerspullen (yn 1924 en 1928). Hy waard yn Parys Olympysk kampioen op de 100, 400 en de 4x200 meter frije slach, ek wûn hy mei it Amerikaanske wetterpoloteam in brûnzen medalje. Fjouwer jier letter yn Amsterdam prolongearre hy syn titel op de 100 en de 4x200 meter frije slach.
Nei de Olympyske Spullen fan 1928 waard er profesjoneel ferklearre om't er optreden hie yn in show yn Miami mei Pete Desjardins, Martha Norelius en Helen Meany. Weissmuller gie hjirnei oan it wurk as akteur. Hy fertolke jierrenlang de rol fan Tarzan. Fan 1934 ôf waard de Ierske aktrise Maureen O'Sullivan syn fêste tsjinspylster as Jane.
Weissmuller hat fiif kear boaske west, alle houliken binne op 'e non rûn. Johnny Weissmuller ferstoar op 20 jannewaris 1984, yn 'e âldens fan 79 jier, oan de gefolgen fan longoedeem.
Filmografy
[bewurkje seksje | boarne bewurkje]| Filmografy as akteur | |||
| jier | titel | rol of funksje | opmerkings |
|---|---|---|---|
| films | |||
| 1929 | Glorifying the American Girl | Adonis | |
| 1931 | Swim or Sink | as himsels | |
| Water Bugs | as himsels | ||
| 1932 | Tarzan the Ape Man | Tarzan | |
| The Human Fish | as himsels | ||
| 1934 | Tarzan and His Mate | Tarzan | |
| 1936 | Tarzan Escapes | Tarzan | |
| 1939 | Tarzan Finds a Son! | Tarzan | |
| 1941 | Tarzan's Secret Treasure | Tarzan | |
| 1942 | Tarzan's New York Adventure | Tarzan | |
| 1943 | Tarzan Triumphs | Tarzan | |
| Tarzan's Desert Mystery | Tarzan | ||
| Stage Door Canteen | as himsels | ||
| 1945 | Tarzan and the Amazons | Tarzan | |
| 1946 | Tarzan and the Leopard Woman | Tarzan | |
| Swamp Fire | Johnny Duval | ||
| 1947 | Tarzan and the Huntress | Tarzan | |
| 1948 | Tarzan and the Mermaids | Tarzan | |
| Jungle Jim | Jungle Jim | ||
| 1948 | The Lost Tribe | Jungle Jim | |
| 1950 | Mark of the Gorilla | Jungle Jim | |
| Captive Girl | Jungle Jim | ||
| Jungle Jim in Pygmy Island | Jungle Jim | ||
| 1951 | Fury of the Congo | Jungle Jim | |
| Jungle Manhunt | Jungle Jim | ||
| 1952 | Jungle Jim in the Forbidden Land | Jungle Jim | |
| Voodoo Tiger | Jungle Jim | ||
| 1953 | Savage Mutiny | Jungle Jim | |
| Valley of Head Hunters | Jungle Jim | ||
| Killer Ape | Jungle Jim | ||
| 1954 | Jungle Man-Eaters | Jungle Jim | |
| Cannibal Attack | Johnny Weissmuller | ||
| 1955 | Jungle Moon Men | Johnny Weissmuller | |
| Devil Goddess | Johnny Weissmuller | ||
| 1970 | The Phynx | as himsels | |
| 1976 | Won Ton Ton, the Dog Who Saved Hollywood | Stagehand #2 | |
| televyzje | |||
| 1956–1958 | Jungle Jim | Jungle Jim | |
| Boarnen, noaten en/as referinsjes: | ||
|
