Joächaz fan Israel

Joächaz fan Israel
Joächaz, kening fan Israel
Persoanlike gegevens
berteplak	net neamd yn 'e Bibel
stjerplak	Samaria (2 Ken. 13:9)
leeftyd	net neamd yn 'e Bibel
folk	Israëlysk
Famylje
heit	Jehû fan Israel (2 Ken. 13:1)
mem	net neamd yn 'e Bibel
partner(s)	net neamd yn 'e Bibel
bern	Joäsj fan Israel; gjin oare nammen oerlevere (2 Ken. 13:9–10)
Bibelske rol
titel / funksje	kening fan Israel
perioade	814 - 798 f.Kr.
bekend fan	militêre swakte; ûnderdrukking troch Aram; gebed ta JHWH om útkomst
neamd yn	2 Keningen 10:35; 2 Keningen 13:1–9; 2 Keningen 13:22-25; 2 Kroniken 25:17-25
religieuze tradysje	joadedom; kristendom

Joächaz fan Israel (Hebriuwsk: יְהוֹאָחָז‎‎; Latynsk Joachaz, "God hâld fêst") wie kening fan it Noardryk Israel (Samaria). Hy folge syn heit Jehû op.

Joächaz ûndernaam neffens it Alde Testamint neat om in ein te meitsjen oan 'e sûndige praktiken yn it lân. Dêrmei wurde de ôfgoaderij bedoeld, dy't al sûnt Jerobeäm yn it lân Israel tastien waard.

It lân wie ûnder it regear fan Joächaz ûnderhearrich oan 'e Arameeske kening Hazael en syn opfolger Benhadad. De kening seach hoe slim de Arameeërs it lân ûnderdrukten en kearde him ta de God fan Israel. Neffens de Skrift kaam der yndied in ein oan 'e ûnderdrukking. Mar de Israeliten makken gjin ein oan 'e ôfgoaderij en lieten sels de Asjearapeal yn Samaria stean.

De kening fan Aram hie it leger fan Israel sa ûnder de foet rûn, dat it yn 'e tiid fan Joächaz net folle mear foarstelde: fyftich ruters, tsien striidweinen en 10.000 man fuotfolk.

Sjoch ek

• List fan keningen fan Israel

Boarnen, noaten en/as referinsjes: