Jann-Berghaus-Brücke
| Jann-Berghaus-Brücke | ||
.jpg) | ||
| Lokaasje | ||
| lân |  Dútslân | |
| dielsteat |  Nedersaksen | |
| plak | Lier | |
| oer | Iems | |
| farwei | 63 m | |
| koördinaten | 53°13' N 5°25' E | |
| Algemiene gegevens | ||
| boujier | 1989-1991 | |
| iepening | 17 maaie 1991 | |
| kosten | DM 40.100.000 | |
| Eigenskippen | ||
| type | baskulebrêge | |
| lingte | 464 m | |
| breedte | 12 m | |
| trochfarbreedte | 63 m | |
| Kaart | ||
  | ||
De Jann-Berghaus-Brücke is in brêge oer de Iems tusken it Dútske plak Bingum en de stêd Lier. De brêge foarmet ûnderdiel fan 'e Bundesstraße 436 en in omlieding by ôfsluting fan 'e Iemstunnel, bygelyks foar frachtweinen mei gefaarlike stoffen.
Earste brêge
[bewurkje seksje | boarne bewurkje]De earste brêge op it plak fan 'e hjoeddeiske Jann-Berghaus-Brücke waard yn 'e jierren 1937-1940 as in draaibrêge boud. Yn april 1945 waard dy brêge opblaasd.
Twadde brêge
[bewurkje seksje | boarne bewurkje]Tusken 1948 en 1950 waard in nije brêge boud. By de iepening wie it de grutste draaibrêge fan 'e wrâld. Dy waard fanwegen brekfalligens yn 1991 ôfbrutsen. De brêge droech de namme fan Jann-Berghaus (1870–1954), dy't û.o. presidint fan it Ostfriesische Landschaft wie en him tige ynsette foar de regionale belangen.
Tredde brêge
[bewurkje seksje | boarne bewurkje]Yn 'e jierren 1989-1991 waard in nije Jann-Berghaus-Brücke yn 'e foarm fan in baskulebrêge boud. De brêge hie in trochfarbreedte fan 40 m. Op 17 maaie 1991 waard de brêge iepene. De boukosten bedroegen DM 40.100.000.
Oan 'e Iems leit yn Papenburg de Meyer Werft, dy't oseaanskippen boud. Om de bou fan gruttere skippen mooglik te meitsjen, krewearre de werf foar in ferbreding fan 'e trochfariepening fan 'e brêge. Dêrmei waard yn 'e simmer fan 2008 útein set. Yn 'e maaitiid fan 2010 wie it wurk fan in ferbreding fan 'e trochfarbreedte oant 63 m foltôge.
De baskulebrêge foar 2008.
Nei de ferbreding fan 'e trochfariepening 2008-2010.
 | Ofbylden dy't by dit ûnderwerp hearre, binne te finen yn de kategory Jann-Berghaus-Brücke fan Wikimedia Commons. |