Jacobitsjerke (Wommels)

Ut Wikipedy
Springe nei navigaasje Springe nei sykjen
Jacobitsjerke (Wommels)
De Jacobitsjerke yn 2011
De Jacobitsjerke yn 2011
lokaasje
Gemeente Súdwest-Fryslân
plak Wommels
adres Terp 19
bysûnderheden
type bouwurk Tsjerke
boujier Tsjerke: 13e iuw, 1500; toer: 1862
Restauraasje yn 1972
monumintale status Ryksmonumint
monumintnûmer 21569

De Jacobitsjerke is in tsjerkegebou yn Wommels yn de Nederlânske provinsje Fryslân.

Skiednis[bewurkje seksje | boarne bewurkje]

De Jacobitsjerke wie fan oarsprong wijd oan Jakobus de Meardere. De ienbeukige tsjerke út de 13e iuw waard om 1508 hinne restaurearre nei in brân. Yn de toer út 1862 hinget in liedklok (1494) fan Geert van Wou en in replika út 1955, getten troch Van Bergen út Heilgerlee, fan de troch H. Wegewaert getten klok út 1611. It tagongsstek fan it tsjerkhôf komt fan de eardere Sminiastate (1872).

It ynterieur wurdt oerdutsen troch in houten tonferwulft. Ut de 17e iuw datearje de preekstoel, trije roubuorden (Duco fan Jongema, Franciscus fan Jongema, Syts fan Camminga) oan de noardwand en trije hearebanken ûnder kape; ien dêrfan út 1677 foar de famylje Van Grovestins. De fiif roubuorden út de 18e iuw yn it koar binne fan de famylje Van Sminia.
It oargel út 1847 waard makke troch Pieter Jans Radersma (1803-1851), dy't doe 17e-iuwske pipen fan in âlder oargel brûkte. Op nijjiersdei 1868 briek der brân út. It oargel waard fannijs opmakke en wizige troch Willem Hardorff.

Sjoch ek[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  • Stenvert, Ronald [et al.] (2000) Fryslân. Monumenten in Nederland, deel 6. Zeist: Rijksdienst voor de Monumentenzorg / Swolle: Waanders. ISBN 90 400 9476 4
  • Stichting Alde Fryske Tsjerken Wommels, de Jacobikerk