Iepenloftmuseum

In iepenloftmuseum is in museale útstalling op in bûtenterrein dêr't in kolleksje fan karakteristike of bysûndere opstallen lykas wenhuzen, pleatsen, yndustrygebouwen, of grutte foarwerpen as skippen, ûnderhâlden wurde sadat dy troch in breed publyk besjoen wurde kinne. It kin gean om in orizjineel gebou op it orizjinele plak, in orizjinele opstâl dy't fan earne oars ferpleatst is, of om autentike replika. It konsept fan it iepenloftmuseum komt út Skandinavië. Sa iepene yn 1881 yn it Noarske Oslo de kolleksje fan Kening Oscar fan Sweden en Noarwegen, op it bûten fan syn simmerpaleis.

Fryslân hat trije iepenloftmusea De Spitkeet op De Harkema en It Damshûs yn Nij Beets ek Museum 't Fiskershúske yn Moddergat wurd ta de Iepenloftmuseums rekkene.

It bekendste iepenloftmuseum fan Nederlân is it Nederlânsk Iepenloftmuseum yn Arnhim, dêr't huzen, pleatsen, fabriken en mûnen út it hiele lân te sjen binne, lykas in arbeiderswenning út Damwâld, in tsjasker út Wâlterswâld, in kop-hals-romppleats út Mullum en it molkfabryk Freya út Feanwâlden.

List fan hjoeddeiske iepenloftmusea yn Nederlân

Iepenloftmusea yn Fryslân
	Museum	Plak	Gemeente	Iepene	Opm.
	De Spitkeet	De Harkema	Achtkarspelen	1980
	It Damshûs	Nij Beets	Opsterlân	1958
	't Fiskershúske	Moddergat	Noardeast-Fryslân	1962
Iepenloftmusea yn Nederlân
	Museum	Plak	Provinsje	Iepene	Opm.
	Achterhoeksk Iepenloftmuseum	Lievelde	Gelderlân	1936	Better bekend as Erve Kots.
	Archeon	Alfen oan de Ryn	Súd-Hollân	1994	Yn 1994 iepene as belibbingspark sûnt 2015 is it in iepenloftmuseum.
	Aviodrome	Lelystêd	Flevolân	1960
	Bourtange	Bourtange	Grinslân	1960	Fêsting
	Boerenbondsmuseum	Pandelaar	Noard-Brabân	1985
	De Locht	Melderslo	Limburch	1990
	De Lebbenbrugge	Borculo	Gelderlân	1934
	Eynderhoof	Nederweert-Eind	Limburch	1990
	Ellert en Brammert	Schoonoord	Drinte	1954
	Het Hoogeland	Warffum	Grinslân	1959
	Kaap Skil	Aldeskyld	Noard-Hollân	1981	Oant 2012 hjitte it museum: Maritiem en Jutters Museum.
	Nederlânsk Iepenloftmuseum	Arnhim	Gelderlân	1918
	Orientalis	Heilig Landstichting	Gelderlân	1911
	Museum Oud-Oosterhout	Oosterhout	Noard-Brabân	± 1990
	Iepenloftmuseum Ootmarsum	Ootmarsum	Oerisel	1964	Better bekend as Iepenloftmuseum Los Hoes.
	Orvelte	Orvelte	Drinte	1968	Museumdoarp
	preHistorisch Dorp	Eindhoven	Noard-Brabân	1982	Sûnt 2012 ûnderdiel fan Eindhoven Museum.
	Suderseemuseum	Inkhuzen	Noard-Hollân	1950	Bestiet út in iepenloftmuseum en in binnenmuseum.
	Saanske Skâns	Saandam	Noard-Hollân	1976	It wie ynearsten opset om dêr te wenjen.
	Feanpark	Barger-Compascuum	Drinte	1966