Ibsan

Ibsan אִבְצָן‏
Persoanlike gegevens
alternative nammen	Ibzan
folk	Sebulon (mooglik)
Bibelske rol
rol	9e rjochter fan Israel
perioade	11e iuw f.Kr.
bekend fan	Syn 60 bern; diplomatike houliken
neamd yn	Rjochters 12:8-10

Ibsan wie de njoggende rjochter fan Israel. Hy kaam út Betlehim. Hy folge Jefta op en joech sân jier lang lieding oan it folk.

Lykas by syn foargongers Tola en Jaïr, wurde der oer Ibsan gjin grutte militêre konflikten beskreaun. Syn amt liket fral yn it teken stien te hawwen fan it fersterkjen fan bannen tusken de ferskate stammen en mooglik ek mei de buorfolken. De Bibel beskriuwt syn ynfloed oan 'e hân fan syn grutte húshâlding. Hy hie tritich soannen en tritich dochters.

Al syn tritich dochters houlikte Ibsan út oan manlju bûten de eigen stamme. En foar syn tritich soannen helle er tritich froulju fan bûten syn stamme. Dy sechstich houliken wiene yn dy tiid in krêftich polityk middel om frede te bewarjen en bûnen te smeien.

Betlehim

Der wurdt troch guon Bibelwittenskippers oannommen dat it Betlehim dêr't Ibsan wei kaam, net it bekende Betlehim yn Juda wie (it berteplak fan David en Jezus), mar Betlehim yn Sebulon, in plak yn it noarden fan Israel. Dat komt om't de rjochters yn dit diel fan it boek Rjochters benammen út de noardlike en eastlike stammen kamen.

Dea en opfolging

Ibsan stoar nei sân jier rjochter west te hawwen en waard begroeven yn Betlehim. Hy waard opfolge troch Elon, dy't ek út de stamme fan Sebulon kaam.

Boarnen, noaten en/as referinsjes:

Rjochters 12:8-10: It koarte ferslach fan it rjochterskip fan Ibsan. Commons Wikimedia Commons  Ofbylden dy't by dit ûnderwerp hearre, binne te finen yn de kategory Ibzan (biblical figure) fan Wikimedia Commons.