Hydra (eilân)

	Hydra; Ύδρα
	geografy
lokaasje	Saroanyske Golf
ûnderdiel fan	Saroanyske eilannen
lân	Grikelân
koördinaten	37°20' N 23°28' E
	algemien
ynwennertal	2.072 (2024)
	sifers
oerflak	69.81 km²
heechste punt	588 m
	webside
	ydra.gov.gr
	kaart
	;

Hydra (Gryksk: Ύδρα, Ydra) is in Grysk eilân en in Grykske gemeente (dimos) yn 'e Egeyske See tusken de Saroanyske Golf en de Argoalyske Golf. It eilân is langwerpich en bercheftich en wurdt skieden fan 'e Peloponnesos troch in smelle seestrjitte.

Fanút de havens fan Piraeus en Nafplio op 'e Peloponnesos is der in regelmjittige tsjinstregeling fan fearboaten. Om't auto's op it eilân net tastien binne, wurdt it measte ferfier op in ezel dien. De ôfstannen op it beboude diel binne lykwols koart en kinne te gean ôflein wurde.

De haadstêd bestiet út in healrûne haven, dy't omfieme wurdt troch in ring fan winkels en hoarekabedriuwen. De lokale befolking wennet oan 'e steile strjitten, dy't nei de haven liede. Op it eilân is gjin drinkwetter en dat moat mei de boat fan it fêstelân oanfierd wurde. It grutste part fan it eilân bestiet út drûge, rotsige heuvels, dy't foar it grutste part net bewenne wurde. Yn it binnenlân lizze allinnich noch in pear pleatsen en twa tige isolearre otterdokse kleasters.

It heechste punt is de likernôch 590 m hege berch Erotas.

It besjen wurdich

Oan 'e haven fan Hydra steane noch in soad 18e- en 19e-iuwske hûzen.
It eilân hat in oantal histoaryske tsjerken, lykas de Ipapantitsjerke en de tsjerke fan Agios Konstantinos en it Trije-ienheidskleaster. De katedraal fan Hydra stiet tichteby de haven.
By de haven stiet it monumint foar de Grykske held Andrea Miaoulis.
Op it eilân steane ferskillende histoaryske wynmûnen.
De fêstingwurken spilen in grutte rol yn 'e skiednis fan it eilân.