Hjalmar Söderberg

Ut Wikipedy
Jump to navigation Jump to search
Hjalmar Söderberg
Livro preto.svg skriuwer
Hjalmar Söderberg as jongkeardel
Hjalmar Söderberg as jongkeardel
persoanlike bysûnderheden
echte namme Hjalmar Emil Fredrik Söderberg
nasjonaliteit Flagge fan Sweden Sweedsk
berne 2 july 1869
berteplak Stokholm
stoarn 14 oktober 1941 (72 jier)
stjerplak Kopenhagen
wurk
taal Sweedsk
sjenre roman, toaniel, poëzy
bekendste
  wurk(en)
Historietter, Martin Birck's ungdom, Doktor Glas, Gertrud, Hjärtats oro
jierren aktyf 1888–1941

Hjalmar Emil Fredrik Söderberg (2 july 1869 - 14 oktober 1941) wie in Sweedsk romanskriuwer, toanielskriuwer, dichter en sjoernalist.

Söderberg wie in soan fan in amtner. Hy studearre oan de Universiteit fan Uppsala, mar makke syn stúdzje net ôf om sjoernalist te wurden. Hy wijde him lykwols al gau hielendal oan de skriuwerij.

Yn syn wurk fynt men faak mankelike karakters en guonts dy't harren leafsten kwyt rekke binne. Doetiids Stockholm wurdt faak ryk útbyld. Söderberg wurdt o sa heechhâlden yn syn heitelân en wurdt somtiden de gelike fan August Strindberg neamd.

Fral tsjin de ein fan syn libben waard Söderberg in ynmoedich en striidber humanist, polityk belutsen (antyfaksistysk) en in protte dwaande mei religieuze fraachstikken. De kwaliteit fan syn lettere wurk hie lykwols te lijen fan syn alkoholgebrûk.

Syn bekendste wurk yn Nederlân is 'Dokter Glas'.

Priveelibben[bewurkje seksje | boarne bewurkje]

Söderberg wie boaske oan Märta Abenius (1871-1932) fan 1899 oant 1917. Sy krigen trije bern: de lettere aktrise Dora Söderberg-Carlsten (1899), Tom Söderberg (1900) en Mikael Söderberg (1903). Fan 1917 ôf wie er yn Denemark troud mei Emelie Voss (1876-1957), mei wa't er ien bern krige: de lettere aktrise Betty Søderberg (1910).

Söderberg hie fierders in tal jierren, út en troch, in ferhâlding mei Maria von Platen (1871-1959), dy't syn skriuwerij beynfloede hawwe soe, bynamme syn toanielstik Gertrud út 1906.

List fan wurk (ûnfolslein)[bewurkje seksje | boarne bewurkje]

Ferfilmingen[bewurkje seksje | boarne bewurkje]

Ferskate wurken fan Söderberg waarden yn Sweden ferfilme, ûnder oaren Gertrud (1964), Doktor Glas (1968) en Den allvarsamma leken (1977).