Heusden (gemeente)

Lân	Nederlân
Provinsje	Noard-Brabân
Haadplak	Vlijmen
Oerflak	81,22 km²
• dêrfan lân	78,86 km²
• dêrfan wetter	2,36 km²
Ynwennertal	46.038 (1 jannewaris 2024)
Befolkingstichtens	589 ynw./km²
Ferkearsier(en)
Netnûmer(s)	0416, 073
Postkoade(s)	5150-5154, 5250-5256
	www.heusden.nl

Heusden

Heusden is in gemeente yn Noard-Brabân. De gemeente yn syn hjoeddeiske foarm is yn 1997 ûntstien nei de fúzje fan 'e âlde gemeenten Heusden, Drunen en Vlijmen. De gemeente hat 46.038 (1 jannewaris 2024) ynwenners.

Plakken

De wichtichste plakken yn 'e gemeente binne de fêstingstêd Heusden en de plakken Drunen en Vlijmen. Oare plakken yn 'e gemeente binne de doarpen Doeveren, Elshout, Giersbergen, Haarsteech, Hedikhuizen, Heesbeen, Herpt, Nieuwkuijk en Oudheusden.

Geografy

De gemeente leit yn it noarden fan Noard-Brabân, ynklamme tusken de Loonse en Drunense Duinen, de rivier de Maas en de gemeenten De Bosk en Waalwyk.

Kultuer

Heusden is in restaurearre fêstingstêd en tige it besjen wurdich. Ien fan 'e âldste gebouwen yn 'e gemeente is nei alle gedachten it eardere kastiel Onsenoort, dat op it terrein fan 'e abdij Mariënkroon leit. Dernjonken binne de pleatsen Fellenoord en Pestert fan grutte kultuerhistoaryske wearde. It Streekargyf Langstraat Heusden Altena wurdt yn it eardere gemeentehûs fan Heusden bewarre.