Herfoarme tsjerke (Gerkeskleaster)

Ut Wikipedy
Herfoarme tsjerke
Lokaasje
provinsje Fryslân
gemeente Achtkarspelen
plak Gerkeskleaster
adres De Poarthoeke 1-a
koördinaten 53° 14' N 6° 12' E
Tsjerklike gegevens
tsjerkegenoatskip PKN (Herf.)
Arsjitektuer
boujier 1629
monumintale status ryksmonumint
monumintnûmer 7045
Webside
Facebook-side fan de gemeente
Kaart
Herfoarme tsjerke (Fryslân)
Herfoarme tsjerke

De Herfoarme tsjerke oan 'e Poarthoeke yn Gerkeskleaster is in protestanske tsjerke, dy't ûnderbrocht is yn 'e brouwerij fan in earder Sistersjinzerk kleaster. De tsjerke is in ryksmonumint.

Skiednis[bewurkje seksje | boarne bewurkje]

Poarte yn 'e súdlike muorre.

Mei de reformaasje waard it kleaster Jeruzalim, ien fan Fryslân's grutste kleasters, opheven. De besittings waarden yn 1594 op lêst fan 'e Steaten ferkocht en de gebouwen ôfbrutsen. Allinnich de kleasterbrouwerij bleau stean en it grutste diel dêrfan waard yn 1629 ynrjochte as tsjerke foar it doarp dat by it kleaster ûntstien wie.[1]

It eastlike part fan 'e brouwerij waard oant 1871 brûkt as pastory, dêrnei oant 1960 as wente foar de koster en as aula en konsistoarje. De romten fan dat part wurde ferljochte troch grutte, rjochthoekige ramen yn 'e noardlike en súdlike muorre.[2] Sûnt 2017 is yn it gebou in lyts museum ûnderbrocht fan 'e stifting Historische Kring Gerkesklooster-Stroobos.[3]

De westlike toer fan 'e tsjerke waard yn 1854 oanboud. Yn 'e klokkestoel hinget in klok mei in diameter fan 63 sintimeter, dy't yn 1858 getten waard troch A.H. van Bergen.[4]

Sûnt 2004 makket de tsjerke diel út fan 'e PKN.

Ynterieur[bewurkje seksje | boarne bewurkje]

It ienfâldige ynterieur fan 'e tsjerke hat in 19e iuwske preekstoel mei klankboerd. De 19e iuwske banken stamme oarspronklik út de tsjerke fan Britswert.

Oargel[bewurkje seksje | boarne bewurkje]

Yn 'e tsjerke stiet in oargel út 1975, dat boud is troch de firma Flentrop.[5]

Pûtto[bewurkje seksje | boarne bewurkje]

By de tsjerke stiet op in sokkel in pûtto, dy't op in lizzend skiep sit. Oer it hoe en wat fan it byldsje is fierder neat bekend.

Ofbylden[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: