Harm Kuipers

	Harm Kuipers
	sporter
	Harm Kuipers (2011)
	persoanlike bysûnderheden
echte namme	Harm Kuipers
nasjonaliteit	Nederlânsk
bertedatum	22 novimber 1947
berteplak	Donderen
	sportive ynformaasje
sport	Reedriden
ûnderdiel	Langebaan
debút	1969
karriêre-ein	1975
	wichtige prestaasjes
	1x goud WK allround 1975 ; 1x sulver WK allround 1974

Harm Kuipers (Donderen, 22 novimber 1947) is in earder Nederlânsk reedrider en heechlearaar.

Kuipers die trije kear mei oan it Wrâldkampioenskip allround, fjouwer kear oan it Europeesk kampioenskip en ien kear stie er oan de start fan it Wrâldkampioenskip sprint Hy waard ek twa kear Nederlânsk allround kampioen.

Kuipers hat nea diel útmakke fan de kearnploech en hie syn eigen trainer. Boppedat wist er de reedrydsport te kombinearjen mei in stúdzje genêskunde oan de ryksuniversiteit Grins. Oant 2012 wie Harm Kuipers heechlearaar bewegingswittenskippen oan de Universiteit Maastricht. Yn 2009 wie Kuipers fanút syn funksje fan haad fan de medyske kommisje by de ISU, belutsen by de dopingsaak fan de Dútske reedrydster Claudia Pechstein. Oan de ein fan it reedrydseizoen 2016/2017 lei Kuipers syn funksje by Medyske kommisje fan de ISU del.

Yn 2010 en yn 2011 krige Kuipers de diagnoazen prostaatkanker en sloktermkanker. Hy hat doe besletten om foar in beheinde behanneling te gean.

Persoanlike rekôrs[bewurkje seksje | boarne bewurkje]

Ofstân	Tiid	Datum	Baan
500 meter	40,4	19 jannewaris 1973	Eisstadion Davos, Davos
1000 meter	1.21,47	17 jannewaris 1975	Eisstadion Davos, Davos
1500 meter	2.02,0	15 jannewaris 1972	Eisstadion Davos, Davos
3 km	4.20,51	1 maart 1973	Ludwig Schwabl Stadion, Inzell
5 km	7.24,54	9 febrewaris 1974	Ludwig Schwabl Stadion, Inzell
10 km	15.21,29	2 maart 1975	Ludwig Schwabl Stadion, Inzell