Hanna (bibelsk persoan)
| Hanna | ||
 | ||
| Elkana en Hanna mei Samuël | ||
| Persoanlike gegevens | ||
| folk | Israeliten (stamme fan Efraïm) | |
| Famylje | ||
| partner(s) | Elkana | |
| bern | Samuël; trije oare soannen en twa dochters | |
| Bibelske rol | ||
| perioade | 11e iuw f.Kr. | |
| bekend fan | mem fan de profeet Samuël; har leauwige gebed om in bern | |
| neamd yn | 1 Samuël 1-2 | |
| religieuze tradysje | joadedom; kristendom | |
Hanna (Hebriuwsk: חַנָּה) is in bibelsk persoan út it Alde Testamint. Hja wie ien fan 'e twa froulju fan Elkana en wenne yn Rama. Hanna is foaral bekend as de mem fan 'e profeet Samuël en om har grutte bertrouwen op God.
It ferhaal fan Hanna
[bewurkje seksje | boarne bewurkje]
Hanna hie it dreech om't hja gjin bern krije koe, wylst Peninna, de twadde frou fan Elkana, wol bern hie. Peninna pleage Hanna dêr ek hieltiten mei. Alle jierren gie de húshâlding nei it hillichdom yn Sjilo om te offerjen. Dêr bidde Hanna yn stilte sa fûleindich om in soan, dat de pryster Ely ynearsten tocht dat hja dronken wie.
Hanna die God in ûnthjit dat as hja in soan krige, hja him foar syn hiele libben oan 'e Heare tawije soe. God ferhearde har gebed en hja krige in soan, dy't hja Samuël neamde. Doe't de jonge âld genôch wie, brocht hja him nei Ely yn Sjilo om dêr yn 'e tsjinst fan God grutbrocht te wurden. Alle jierren as se nei Sjilo reizge om dêr te offerjen, brocht hja foar Samuël in lyts manteltsje mei. Letter krige Hanna noch fiif oare bern: trije soannen en twa dochters.
De Lofsang fan Hanna
[bewurkje seksje | boarne bewurkje]Yn 1 Samuël 2 stiet in tankgebed fan Hanna, dat Hanna's lofsang neamd wurdt. Hja priizget dêryn de macht fan God, dy't de nederigen ferheget en de machtigen delsmyt. Dat liet hat in soad oerienkomsten mei it Magnificat, de lofsang fan Marije yn it Nije Testamint.
Betsjutting
[bewurkje seksje | boarne bewurkje]De namme Hanna betsjut "genede". Yn 'e joadske en kristlike tradysje stiet hja symboal foar in krêftich en oanhâldend gebed. Hja wurdt sjoen as in foarbyld fan memmefreugde en it neikommen fan beloften oan God.
| Boarnen, noaten en/as referinsjes: | ||
|
It ferhaal fan Hanna is te finen yn 'e earste twa haadstikken fan 1 Samuël.
|
