Höhr-Grenzhausen

	Höhr-Grenzhausen
	Riedshûs.
	Emblemen
	Bestjoer
Lân	Dútslân
dielsteat	Rynlân-Palts
lânkring	Westerwaldkreis
Stedsyndieling	3 Stadtteile
	Sifers
Ynwennertal	9.439 (31.12.2023)
Oerflak	15,88 km²
Befolkingsticht.	594 ynw./km²
Hichte	250 m boppe seenivo
	Oar
Postkoade	56203
Koördinaten	50° 26' N 7° 40' E
	Offisjele webside
	www.hoehr-grenzhausen.de
	Kaart
	;

Höhr-Grenzhausen is in stêd yn 'e Westerwaldkreis yn 'e Dútske dielsteat Rynlân-Palts.

Höhr-Grenzhausen falt ûnder it gemeenteferbân mei deselde namme, dêr't it plak de haadstêd fan is.

Yndieling

De stêd Höhr-Grenzhausen ûntstie op 1 april 1936 troch de gearfoeging fan 'e eardere selsstannige gemeenten Höhr, Grenzhausen en Grenzau. Tagelyk krige de nije gemeente de status fan stêd. Hjoed-de-dei binne de earder selsstannige gemeenten Ortsteile fan Höhr-Grenzhausen.

Keramyk

Höhr-Grenzhausen is it sintrum fan keramyske yndustry yn it sanseamde Kannenbäckerland mei in fakhegeskoalle foar keramyk. De stêd hat de bynamme „Kannenbäckerstadt“.

It besjen wurdich

Toeristen kinne oan ferskillende produksjeplakken fan keramyk en musea in besite bringe, dy't ynformearje oer it produksjeproses fan keramyk.

It kastiel Grenzau is in ruïne mei in trijehoekige berchfrede (toer).

Musea

Tsjerken

Grenzhausen: De protestantske tsjerke mei in romaanske toer út de 13e iuw en in skip en koer fan 1878.
Höhr: De Sint-Petrus en Paulustsjerke is in foarse neogoatyske tsjerke út 1885. It westlike diel mei de toer datearet fan 1901.

Grenzau: De katolike filiaaltsjerke Sint-Petrus- en Paulus datearret fan 1796.

De stêd leit oan it wrâlderfgoed Boppe-Germaanske-Raetyske Limes.