Grutkoppappegaaien
| Grutkoppappegaaien | ||
 | ||
| Kaapske pappegaai | ||
| Taksonomy | ||
| ryk: | dieren (Animalia) | |
| stamme: | rêchstringdieren (Chordata) | |
| ûnderstamme: | wringedieren (Vertebrata) | |
| klasse: | fûgels (Aves) | |
| skift: | pappegaai-eftigen (Psittaciformes) | |
| boppefamylje: | pappegaaien of echte pappegaaien (Psittacoidea) | |
| family: | Pappegaaien fan de Alde Wrâld (Psittaculidae) | |
| skaai | Grutkoppappegaaien (Poicephalus) | |
| Swainson, 1837 | ||
Grutkoppappegaaien (Poicephalus) hearre ta de famylje fan 'e Pappegaaien fan de Alde Wrâld (Psittaculidae) (Psittacidae), dus de echte pappegaaien. It is in skaai dat natuerlik foarkomt yn Afrika besuden de Sahara. De typesoarte is de Kaapske pappegaai (P. robustus), wylst de Senegalpappegaai troch de avikultuer it meast bekend is.
Algemiene eigenskippen
[bewurkje seksje | boarne bewurkje]De grutkoppappegaaien binne oer it generaal kompakte fûgels fan 22 oant 33 sm lang mei in brede kop en in krêftige snaffel. Se hawwe oer it generaal in koarte sturt en lange wjukken en wurde dêrom yn it Nederlânsk langvleugelpapegaaien neamd. Se ha in frij ticht fearrekleed mei faak grien as oerhearskjende kleur en fierder griis, giel, oranje of brún.
Grutkoppappegaaien libje meast yn of by bosken en op savannes, faak yn gebieten mei beammen dêr’t se yn holtes harren nêst bouwe. Se ite benammen sied, nuten, fruchten en bytiden ek blommen of knoppen.
By trije soarten binne de poppen kleurriker as de mantsjes, itjinge net in soad foarkomt yn 'e fûgelwrâld.
Hâlden en dragen
[bewurkje seksje | boarne bewurkje]It binne tige yntelliginte fûgels, net sa lawaaierich as guon oare pappegaaiesoarten, mar wol mei in dúdlik karakter en in tige sterke bytkrêft. Guon soarten kinne minsklike stimmen neidwaan, mar minder dúdlik as bygelyks Afrikaanske grize pappegaaien (Psittacus).
Populaasjetrend
[bewurkje seksje | boarne bewurkje]De measte soarten steane ûnder druk troch habitatferlies en fangst foar de fûgelhannel, fral yn West- en Sintraal-Afrika.
Soarten
[bewurkje seksje | boarne bewurkje]Hjoed-de-dei wurde der tsien soarten erkend. Earder waarden de Kaapske en de brúnnekpappegaai as ien soarte behannele, mar nei ûndersyk die bliken dat it om twa ferskillene soarten giet.
| Ofbyld | Wittenskiplike namme | Fryske namme | Fersprieding | Status/ Trend |
|---|---|---|---|---|
 | P. crassus | Niam-Niampappegaai | Sintraal-Afrikaanske Republyk en oangrinzgjende gebieten. | net bedrige [1] |
_(11688869593).jpg) | P. cryptoxanthus | brúnkoppappegaai | East-Afrika | net bedrige[2] |
 | P. flavifrons | gielmaskerpappegaai | Etioopje | net bedrige[3] |
 | P. fuscicollis | brúnnekpappegaai | Afrika ûnder de Sahara | net bedrige[4] |
 | P. gulielmi | readbúkpappegaai | Afrikaanske tropyske reinwâlden | net bedrige[5] |
_pet_on_table.JPG) | P. meyeri | gielskouderpappegaai | Afrika besuden de Sahara | net bedrige[6] |
 | P. robustus | Kaapske pappegaai | Súd-Afrika | kwetsber stabyl[7] |
 | P. rueppellii | Rüppellpappegaai | Súd-Afrika | net bedrige[8] |
_-stretching-8a.jpg) | P. rufiventris | readbúkpappegaai | Hoarn fan Afrika | net bedrige stabyl[9] |
 | P. senegalus | Senegalpappegaai | West-Afrika | net bedrige[10] |
| Boarnen, noaten en/as referinsjes: | ||
|
