Grifformearde tsjerke (Reitsum)

Ut Wikipedy
Jump to navigation Jump to search
De Fjouwer
Reitsum, eardere griff. tsjerke, tsjintwurdich doarpshûs.jpg
lokaasje
lân Flag of the Netherlands.svg Nederlân
provinsje Frisian flag.svg Fryslân
gemeente Coat of arms of Ferwerderadeel.svg Ferwerderadiel
plak Reitsum
adres Flieterpsterdyk 23
bysûnderheden
type bouwurk Foarhinne tsjerke; tsjintwurdich doarpshûs
boujier 1896

De Fjouwer is it doarpshûs fan de Flieterpen yn Reitsum. It doarpshûs is ûnderbrocht yn de eardere grifformearde tsjerke fan Reitsum.

Skiednis[bewurkje seksje | boarne bewurkje]

It eardere tsjerkegebou waard op 10 novimber 1896 foar de grifformearde gemeente fan Reitsum iepene. Reitsum hearde ta de earste fiif Nederlânske gemeenten dy't de doleânsje folgen en de earste Fryske gemeente dy't har yn 1886 ôfsnije liet fan de Nederlânsk Herfoarme Tsjerke. Op 17 augustus 1886 wie yn Reitsum de earste gearkomste fan de fiif dolearende gemeenten, dy't harren ferienigen yn de Nederdútsk Grifformearde Tsjerke en letter mei de Ofskieding fan 1834 ôfskieden gemeenten opgyngen yn de Grifformearde Tsjerken yn Nederlân.

Hûndert jier lang hiene de grifformearden en herfoarmen elts in eigen tsjerke yn Reitsum. Fan ôf 1989 tsjerkten de beide gemeenten wer tegearre yn de âlde tsjerke fan Reitsum.[1] Oant de fúzje fan de beide protestanske dominaasjes ta ien protestanske tsjerke bleau de herfoarme tsjerke in Samen-op-Weg-tsjerke.

De grifformearde tsjerke waard yn dy tiid ôfstjitten en krige as nije funksje doarpshûs.

Oargel[bewurkje seksje | boarne bewurkje]

It oargel fan de grifformearde tsjerke datearret fan 1899 en is boud troch Bakker & Timmenga út Ljouwert. It ynstrumint gyng net ferlern en krige in nij plak yn de nijbou fan de âld-grifformearde gemeente fan it Súd-Hollânske Gouderak. Yn it ramt fan de ferhuzing waard it oargel restaurearre en safolle mooglik yn de oarspronklike steat werom brocht. De restauraasje fûn plak ûnder begelieding fan de oargeladviseur Dirk Bakker plak, dy't der in boekje oer skreau mei de titel "Van Reitsum naar Gouderak - het verhaal van een klein Bakker & Timmenga-orgel".[2]

Sjoch ek[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: