Gone with the Wind (roman)

Gone with the Wind (Ingelsk, likernôch: "Ferdwûn mei de wyn") is in roman fan de skriuwster Margaret Mitchell út de Feriene Steaten, fan 1936.

Ynhâld

De haadpersoan fan it boek is Scarlett O'Hara, in frijfochten jonge frou út de Amerikaanske steat Georgia. It ferhaal giet foar in grut part oer har omgong mei freonen, famyljeleden en frijers yn de perioade foar, ûnder en nei de Amerikaanske Boargeroarloch. Yn Rhett Butler, in slûchslimme man mei in net al te respektabele reputaasje, moetet hja har gelikense, en tusken de twa ûntstiet in soarte fan haat-leafdeferhâlding. Hoewol't it boek ynearsten oer de relaasje tusken de ferskate haadpersoanen giet, biedt it ek in goed oersjoch fan de boargerkriich en de neisleep dêrfan.

Sawol it boek as de Oscar-winnende film is noch altyd populêr. Oan it boek waard yn 1937 de Pulitzerpriis takend. De film, produsearre troch David O. Selznick en regissearre troch George Cukor, kaam út yn 1939. De haadrollen waarden fertolke troch Vivien Leigh (Scarlett) en Clark Gable (Rhett).

Wurdearring

It boek waard yn 1939 ferfilme mei deselde titel troch David O. Selznick, mei Vivien Leigh, Clark Gable en Olivia de Havilland yn de wichtigste rollen.
Yn 2014 waard in Nederlânske teäterferzje fan it boek ûnder de titel Gejaagd door de wind opfierd mei Anna Drijver yn de rol fan Scarlett O' Hara en Nasrdin Dchar yn de rol fan Rhett Butler. De rezjy wie yn hannen fan Madeleine Matzer, de muzyk skreaun troch Helge Slikker.
Gone with the Wind waard yn 1999 opnaam yn Le Monde's 100 boeken fan de iuw.