Godfrey Kneller

Ut Wikipedy
Jump to navigation Jump to search
Selsportret

Godfrey Kneller, berne as Gottfried Kniller, (Lübeck, 8 augustus 1646Londen, 19 oktober 1723) wie in Dútsk portretskilder dy't yn Ingelân arbeide yn de lette 17e iuw en iere 18e iuw. Hy wie de portretskilder fan it Britske keningshûs en skildere in soad pommeranten fan syn tiid.

Libben[bewurkje seksje | boarne bewurkje]

Kneller waard berne yn Lübeck as soan fan de portretskilder Zacharias Kniller[1]. Hy studearre yn Leieen en waard in learling fan Ferdinand Bol en Rembrandt van Rijn yn Amsterdam. Yn de iere jierren santich reizge er mei syn broer Johannes Zacharias Kneller, in sierskilder, nei Rome en Feneetsje dêr't er ûnder oaren histoaryske ûnderwerpen en portretten skildere yn de studio fan Carlo Maratti. Dêrnei ferhuze er nei Hamburg en fan 1674 ôf oan wenne er yn Ingelân.

Hy wûn dêr it beskermhearskip fan de hartoch fan Monmouth. Hy waard foarsteld oan kening Karel II fan Ingelân en skilderde dy syn portret. Kneller waard erkend as portretskilder dy't de toan oanjoech yn Ingelân. Doe't Peter Lely yn 1680 stoar, waard Kneller ta earste hofskilder fan Karel II beneamd. Hy waard lid fan de Kit-Cat Club. Kneller waard riddere troch Willem III en ta baronet makke troch George I op 24 maaie 1715[1]. Hy wie teffens haad fan de Kneller Akademy foar skilderjen en tekenjen 1711 -1716 dy't ferstige wie yn de Great Queen Street yn Londen en dy't keunstners as Thomas Gibson yn it bestjoer hie. Kneller syn skilderijen waarden priizge troch de Whig partijleden lykas John Dryden, Joseph Addison, Richard Steele en Alexander Pope.

Kneller stoar yn 1723 yn de âldens fan 77 jier oan 'koarts'.

Wurk[bewurkje seksje | boarne bewurkje]

Kneller rjochte him yn Ingelân fral op portretskilderjen. Syn atelier makke op hast yndustriële skaal portretten, basearre op in rûge skets fan it antlit mei tafoeging fan gegevens fan in stereotyp model, in wurkwize dy't profitearre fan de wenstige moade foar manlju om prûken te dragen. Dy metoade waard letter neifolge oant William Hogarth en Joshua Reynolds ta.

Hy skildere in protte leden fan de Kit-Cat Club, wêr't er sels ek by wie. Fierders skildere er tsien kreaze dames fan it hof fan Willem III (Hampton Court Palace), lykas syn foargonger as hofskilder Peter Lely earder dien hie oan it hof van Karel II (Windsor Castle). Syn wichtichste wurken binne The Chinese Convert (1687; Royal Collection, Londen), in rige fan fljouwer Isaac Newton, op ferskillende mominten fan dy syn libben, en in rige fan tsien regearjende Jeropeeske monarchen, wêr't û.o. kening Loadewyk XIV fan Frankryk by siet.

Galery[bewurkje seksje | boarne bewurkje]

Bibliografy[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. 1,0 1,1 Cokayne, George Edward (1906) Complete Baronetage. Volume V. Exeter: W. Pollard & Co. LCCN 06023564. pp. 27–28