Nautolanen
Nautolanen (inkeltal: Nautolaan) binne in fiktyf ras fan bûtenierdske wêzens út 'e Star Wars-franchise, dat yntrodusearre waard yn 'e film Star Wars: Episode II – Attack of the Clones. Hja steane bekend om har fermogen om op 'e meast ûnherberchsume plakken te oerlibjen. Nautolanen komme fan Glee Anselm, in planeet dêr't ek de Anselmi, in besibbe ras fan bûtenierdske wêzens, syn oarsprong fynt. Relaasjes tusken de yn see tahâldende Nautolanen en de op it drûge libjende Anselmi binne fan âlds spand.
Nautolanen binne amfibysk en kinne sawol lucht as wetter sykhelje. Se binne it komfortabelst ûnder wetter, mar kinne op it drûge skoan út 'e fuotten. Se lykje op minsken yn 'e sin dat hja twa skonken en twa earms hawwe, en in gesicht mei de eagen, noas en mûle op it wenstige plak. Ek beskikke Nautolanen oer fiif fingers oan eltse hân. Harren hûdskleur is grien, blau, griis, pears, oranje of giel. De eagen binne tige grut en hielendal swart, en dominearje it gesicht. Nautolaanske eagen binne tige gefoelich en hawwe har ûntjûn om op 'e seeboaiem, dêr't mar in bytsje ljocht trochkringt, sjen te kinnen.
It meast opfallende lichemsskaaimerk fan Nautolanen wurdt lykwols foarrme troch de kloft lange, grouwe tentakels dy't harren út 'e efterholle groeit en oan 'e mul ta rikt. Mei dy tentakels wurde se gemyske stoffen gewaar, lykas de feromoanen dy't alle libbene wêzens útstjitte. Nautolanen kinne oan 'e hân dêrfan ynterpretearje wat de emosjonele steat fan in oar wêzen is. De Nautolaanske taal, it Nautila, omfiemet it gebrûk fan feromoanen foar kommunikaasje. Dat is wat dêr't sels komplekse ideeën mei oerbrocht wurde kinne.
Sjoch ek[bewurkje seksje | boarne bewurkje]
Keppelings om utens[bewurkje seksje | boarne bewurkje]
| Boarnen, noaten en/as referinsjes: |
| bûtenierdsk libben út Star Wars | |
|---|---|
| rassen fan yntelliginte bûtenierdske wêzens | |
| Aki-Aki • Cereänen • Chagrianen • Dugs • Ewoks • Geonosianen • Gorax • Gunganen • Hutts • Iktotchi • Jawa's • Kaleesh • Kaminoänen • Kel Dor • Lanniks • Mandalorianen • Mirialanen • Mon Calamari • Nautolanen • Neimoïden • Palliduvanen • Pau'anen • Quermianen • Thisspiasanen • Tholothianen • Togruta • Toydarianen • Tusken-kapers • Twi'leks • Ugnaughts • Utai • Wisties • Wookiees • Zabraks | |
| bûtenierdske floara en fauna | |
| bantha • fathier • orbak • porg • rancor • sarlacc • tauntaun • vulptex • wampa | |
| planeten út Star Wars | |
|---|---|
| Ahch-To • Alderaan • Bespin • Cantonica • Cereä • Champala • Christophsis • Corellia • Coruscant • Crait • Dagobah • Dathomir • Dorin • D'Qar • Eadu • Endor • Exegol • Geonosis • Glee Anselm • Hoth • Iktotch • Iktotchon • Iridonia • Jakku • Jedha • Kalee • Kamino • Kashyyyk • Kef Bir • Kessel • Kijimi • Lah'mu • Lannik • Malastare • Mandalore • Mimban • Mirial • Mon Cala • Mustafar • Naboo • Nal Hutta • Nar Shaddaa • Neimoïdia • Pasaana • Quermia • Ryloth • Savareen • Scarif • Shili • Takodana • Tana • Tatooine • Thisspias • Tholoth • Toydaria • Utapau • Vandor • Yavin | |