Glânsstaren

	Glânsstaren
	Lamprotornis caudatus
	Taksonomy
ryk:	dieren (Animalia)
stamme:	rêchstringdieren (Chordata)
klasse:	fûgels (Aves)
boppeskift:	nije fûgels (Neoaves)
skift:	moskeftigen (Passeriformes)
famylje:	protterfûgels (Sturnidae)
skaai:	glânsstaren (Lamprotornis)
	Temminck, 1820
	Soarten
	● Lamprotornis acuticaudus; ● Lamprotornis albicapillus; ● Lamprotornis australis; ● Lamprotornis bicolor; ● Lamprotornis caudatus; ● Lamprotornis chalcurus; ● Lamprotornis chalybaeus; ● Lamprotornis chloropterus; ● Lamprotornis fischeri; ● Lamprotornis hildebrandti; ● Lamprotornis iris; ● Lamprotornis mevesii; ● Lamprotornis nitens; ● Lamprotornis ornatus; ● Lamprotornis pulcher; ● Lamprotornis purpureus; ● Lamprotornis purpuropterus; ● Lamprotornis regius; ● Lamprotornis shelleyi; ● Lamprotornis splendidus ; ● Lamprotornis superbus; ● Lamprotornis unicolor;

Glânsstaren of glânsprotters (Lamprotornis) foarmje in grut skaai fan glânzgjende protters, dy't allegear yn Afrika besuden de Sahara foarkomme. Se ha meast glânzgjende blauwe of griene boppedielen, itjinge feroarsake wurdt troch melaninegranules, dy't yn ien laach arranzjearre binne tichteby it oerflak fan 'e flaggen fan 'e fearren. Dy bysûndere omstannichheid late der ta dat guon glânsstaren, dy't earder yn it skaai Spreo stienen, oerhevele waarden nei it skaai Lamprotornis om't se dy eigenskip dêrmei diele.

De ûnderkant fan it skaai is net irisearjend en kin blau, poarper, giel of brún wêze. De measte soarten yn it skaai ha reade eagen en guon ha lange sturten.

It skaai Lamprotornis waard troch de Nederlânske soölooch Coenraad Jacob Temminck yn 1820 beskreaun. As typesoarte waard de Pylksturtglânsstaar (Lamprotornis caudatus) oanwiisd.

Glânsstaren komme yn in grut tal soarten lânskip foar, fan bosk oant iepen bosk en tunen. Se hawwe harren nêsten yn holtes fan beammen, natuerlike holtes, mar ek holtes fan bygelyks spjochten of Afrikaanske burdfûgels. Guon brûke ek troch minsken makke nêstkasten. De measte soarten binne op wat lokale migraasjes nei stânfûgels. Dêrfoaroer is de Shelleyglânsstaar (Lamprotornis shelleyi) in trekfûgel. De meast soarten binne bûten de briedtiid sosjaal en yn groepen te sjen.

Se ite ynsekten en sykje dy yn 'e regel op 'e grûn, mar se ite ek fruit yn 'e beammen. Guon binne ek by of op grutte sûchdieren te sjen om ynsekten te finen.

Fryske namme	Wittenskiplike namme	Fersprieding
Blauwe langsturtglânsstaar	Lamprotornis purpuroptera	Sûdan, Eritreä en Etioopje en Tanzania
Brûnssturtglânsstaar	Lamprotornis chalcurus	Fan Senegal troch Nigearia oant Súd-Sûdan en Kenia
Griene langsturtglânsstaar	Lamprotornis caudatus	tropysk Afrika fan Senegal oant Sûdan
Griisboarstglânsstaar	Lamprotornis fischeri (earder Spreo fischeri)	súdlik Etioopje en Somaalje oant eastlik Kenia en Tanzania
Grize glânsstaar	Lamprotornis unicolor (earder Spreo unicolor)	Kenia, Tanzania
Grutte blau-earglânsstaar	Lamprotornis chalybaeus	Senegal eastlik oant Etioopje en súdlik troch eastlik Afrika oant noardeastlik Súd-Afrika en Angoala
Grutte glânsstaar	Lamprotornis australis	súdlik Afrika
Hildebrandtglânsstaar	Lamprotornis hildebrandti (earder Notauges hildebrandti)	Etioopje en Somaalje oant Kenia.
Keningsglânsstaar	Lamprotornis regius	Etioopje en Somaalje oant noardlike Tanzania
Lytse blau-earglânsstaar	Lamprotornis chloropterus	grutte fersprieding ûnder de Sahara
Mevesglânsstaar	Lamprotornis mevesii	súdlik Afrika
Pylksturtglânsstaar	Lamprotornis acuticaudus	súdlik sintraal Afrika
Poarperglânsstaar	Lamprotornis purpureus	tropysk Afrika fan Senegal en noardlik Kongo oant Sûdan en westlik Kenia
Prachtglânsstaar	Lamprotornis splendidus	westlik en sintraal Afrika
Prinsipeglânsstaar	Lamprotornis ornatus	endemysk yn Sao Tomee en Prinsipe
Shelleyglânsstaar	Lamprotornis shelleyi	eastlik Afrika
Smaragdstaar	Lamprotornis iris (earder Coccycolius iris)	Guinee, Sierra Leöane en Ivoarkust
Readbúkglânsstaar	Lamprotornis pulcher (earder Spreo pulcher)	Boerkina Faso en westlik Afrika
Readskouderstaar	Lamprotornis nitens	Súdlik Afrika
Trijekleurige glânsstaar	Lamprotornis superbus (earder Spreo superbus)	eastlik Afrika
Twakleurige glânsstaar	Lamprotornis bicolor (earder Spreo bicolor)	Súd-Afrika, Lesoto en Swazylân
Wytkroanglânsstaar	Lamprotornis albicapillus (earder Spreo albicapillus)	Dzjibûty, Etioopje, Kenia en Somaalje.