Gielsnaffelglee

gielsnaffelglee
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift rôffûgels (Accipitriformes) famylje haukfûgels (Accipitridae) skaai gleeën (Milvus)
soarte
Milvus aegyptius
Gmelin, 1788
IUCN-status: net bedrige

De gielsnaffelglee (Milvus aegyptius) is in rôffûgel út de famylje fan 'e haukfûgels (Accipitridae). Dizze fûgel is nau besibbe oan 'e swarte glee (Milvus migrans), mar wurdt hjoed-de-dei meastentiids as in aparte soarte beskôge.

Skaaimerken

Gielsnaffelglee.

De gielsnaffelglee liket in soad op 'e swarte glee, mar it meast opfallende ferskil by folwoeksen fûgels is de snaffel: dy is folslein giel, wylst de swarte glee in donkere snaffel hat mei in giele waakshûd. De fearren binne brún oant donkerbrún en de sturt is justjesfoarke, al is dy minder djip ynsnien as by de reade glee. De fûgel hat in spanwiidte fan likernôch 140 oant 150 sm.

Fersprieding

De soarte komt foar yn hast hiel Afrika súdlik fan 'e Sahara, yn it noardeasten fan Afrika (ynklusyf Egypte) en op it súdwestlike part fan it Arabysk Skiereilân. Der wurde twa ûndersoarten ûnderskieden:

• M. a. aegyptius: Egypte, it noardeasten fan Afrika en súdwestlik Araabje.
• M. a. parasitus: Afrika súdlik fan 'e Sahara, ynklusyf de Kaapverdyske Eilannen en Madagaskar.

Hâlden en dragen

De gielsnaffelglee is in opportunistyske jager en in echte allesiter. Hy fret lytse sûchdieren, fûgels, reptilen en ynsekten, mar hy skarrelt ek op jiskebulten om by doarpen, stêden en slachthuzen. Se binne tige betûft yn 'e loft en kinne sels iten út de hannen fan minsken of fan 'e hannel fan merklju "stelle".

De fûgel is monogaam en briedt yn in nêst fan tûken, dat faak beklaaid wurdt mei allerhanne materiaal dat se fine, lykas papier, plestik of stikken tekstyl. Se lizze meastentiids twa oant trije aaien.

Status

De gielsnaffelglee hat in tige grut ferspriedingsgebiet, mar de soarte liket ôf te nimmen. De soarte op de Reade list fan de IUCN de status net bedrige (Least Concern).

Boarnen, noaten en/as referinsjes:

eBird, oproppen 6 maaie 2026. BirdLife, oproppen 6 maaie 2026. Birds of the World, oproppen 6 maaie 2026. Commons Wikimedia Commons  Ofbylden dy't by dit ûnderwerp hearre, binne te finen yn de kategory Milvus aegyptius fan Wikimedia Commons.