Gielpoatdo

Gielpoatdo
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift do-eftigen (Columbiformes) famylje dofûgels of dowen (Columbidae) skaai hôfdowen (Columba)
soarte
Columba pallidiceps
Ramsay, 1878
IUCN-status: kwetsber

De gielpoatdo (Columba pallidiceps) is in fûgel yn it skaai hôfdowen (Columba) út de famylje fan dowen (Columbidae). De soarte komt allinnich foar op 'e Salomonseilannen en de Bismarckarsjipel

Skaaimerken

De 36 oant 38 sm lange soarte liket op 'e wytkopdo (Columba leucomela). De gielpoatdo is folle donkerder, fan boppe swart mei in griene oant pearse glâns. De búk en it boarst binne ek donker en ha in pearse glâns. Opfallend binne de heldergiele poaten.

Fersprieding

De soarte libbet op 'e Salomons- en de Bismarckeilannen yn 'e reinwâlden of âld sekundêr bosk mei grutte beammen. De measte waarnimmingen wurde yn heuvelgebieten tusken 400 en 600 m boppe seenivo dien. De soarte wurdt as monotypysk beskôge, itjinge betsjut dat der gjin ûnderferdieling yn ûndersoarten bestiet.

Status

De populaasje wurdt troch BirdLife International op 2500 oant tsientûzen folwoeksen fûgels rûsd (2018), mar de oantallen rinne tebek troch jacht en it ferlies fan geskikt leefgebiet. Bosk wurdt feroare yn agrarysk gebiet lykas it oanlizzen fan oaljepalmplantaazjes. De IUCN klassifisearre de fûgel as kwetsber (VU) op 'e Reade list.

Namme

De wittenskiplike namme fan 'e soarte waard as Ianthaenas pallidiceps yn 1878 publisearre troch Edward Pierson Ramsay.

Boarnen, noaten en/as referinsjes:

Birdlife Ebird Avibase Commons Wikimedia Commons  Ofbylden dy't by dit ûnderwerp hearre, binne te finen yn de kategory Gielpoatdo fan Wikimedia Commons.