Gielkopfruchtdo

Gielkopfruchtdo
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift do-eftigen (Columbiformes) famylje dofûgels of dowen (Columbidae) skaai fruchtdowen (Ptilinopus)
soarte
Ptilinopus layardi
(Elliot, 1878)
IUCN-status: hast bedrige

De gielkopfruchtdo of gielkopjufferdo (Ptilinopus layardi, syn.: Chrysoena layardi) is in fûgelsoarte yn it skaai fruchtdowen (Ptilinopus) út de famylje fan 'e dowen (Columbidae).

De fûgel is in monotypyske soarte, itjinge bestjut dat der gjin ûnderferdieling yn ûndersoarten bestiet.

Taksonomy

De soarte is ien fan mear as 50 soarten yn it skaai Ptilinopus. Tegearre mei de giele fruchtdo (P. luteovirens) en de oranje fruchtdo (P. victor) wurdt de gielkopfruchtd yn it ûnderskaai Chrysoena set. Ek wurde de trije soarten wol yn in apart skaai set.

Skiednis

De gielkopfruchtdo is mei likernôch 20 sm in relatyf lyts doke, in smelle felgiele kraach, in grien bealchje en in griene sturt mei in giele ûndersturt. Om it each sit in giele eachring. Der is in dúdlike seksuele dimorfy: wyfkes ha in mear homogrien griene befearring sûnder giele kop.

Fersprieding

Gielkopfruchtdowen komme op 'e Fidzjyske eilannen Kadavu en Ono foar, dy't diel útmeitsje fan 'e Kadavu‑groep. It habitat bestiet faak út tropyske reinwâld, dêr't er libbet yn 'e hegere beamlagen.

Hâlden en dragen

Se ite meast fruchten fan beammen. Se hawwe in bysûnder fluitsjend lûd, dêr’t se de Ingelske namme Whistling Dove fan krigen. De fûgels libje meast allinne of yn pearkes, net yn grutte groepen. It nêst is ienfâldich en bestiet meastentiids út mar ien aai. Bysûnder is dat it wyfke briedt en foar it jong soarget, dat is net sa gewoan by dowen.

Status

De soarte wurdt troch de IUCN as hast bedrige (NT) op 'e Reade list klassifisearre. De populaasje wurdt neffens in rûge rûzing út it jier 2005 op sa’n 3.000 oant 10.000 eksimplaren rûsd. Om't der ûntbosking yn it ferspriedingsgebiet is, rinne de oantallen nei alle gedachten tebek.

Boarnen, noaten en/as referinsjes:

Birdlife Ebird Avibase Commons Wikimedia Commons  Ofbylden dy't by dit ûnderwerp hearre, binne te finen yn de kategory Gielkopfruchtdo fan Wikimedia Commons.