George Huntington

Ut Wikipedy
Gean nei: navigaasje, sykje
George Huntington

George Sumner Huntington (9 april 18503 maart 1916) wie in Amerikaansk hûsdokter, foaral bekend fan de troch him tige sekuer beskreaune sykte fan Huntington.

Yn de húsdokterspraktyk fan syn heit George Lee Huntington (1811–1881) (en earder syn pake Abel Huntington (1778–1858)) hie er pasjinten sjoen dy't slimme ûnopsetlike bewegings makken en boppedat dy sykte oan guon fan harren bern trochjoegen. Fuort nei syn ôfstudearjen - hy wie doe 22 jier - joech er in lêzing oer dy frjemde en neffens him erflike sykte dy't allinnich yn New York foarkaam, nei't er tocht. (Nammentlik yn in famylje yn East Hampton op Long Island.)

Syn harkers woenen hawwe dat er syn waarnimmings publisearre. It artikel waard pleatst yn the Medical and Surgical Reporter of Philadelphia, op 13 april 1872. In gearfetting fan it artikel, skreaun troch Adolf Kussmaul en C.W.H. Nothnagel, ferskynde yn it in Jeropa wiidfersprate Virchow's-Hirsch's Jahrbuch für 1872 (Berlyn). Op in kongres fan de New-York Neurological Society yn 1909 waard besletten dat de namme fan George Huntington ferbûn wurde soe oan de sykte chorea hereditaria adultorum.

Literatuer[bewurkje seksje | edit source]

van der Weiden RM (1989). George Huntington and George Sumner Huntington. A tale of two doctors. Hist Philos Life Sci 11 (2): 297–304. PMID 2534642

Keppelings om utens[bewurkje seksje | edit source]