Froukje Wartena

Froukje Wartena
keunstner
persoanlike bysûnderheden
echte namme	Frouwkje Wartena
nasjonaliteit	Nederlânsk
berne	28 july 1855
berteplak	Akkrum
stoarn	14 april 1933
stjerplak	Laren (Noard-Hollân)
etnisiteit	Frysk
wurkpaad
wurksum as	skilderesse, tekener en etser
offisjele webside
RKD-profyl

Froukje Wartena, eins Frouwkje Wartena (Akkrum, 28 july 1855 - Laren (Noard-Hollân), 14 april 1933) wie in Nederlânske skilderesse, tekener en etser.

Libben en wurk

Froukje Wartena wie in dochter fan dr. Auke Herres Wartena (1823-1882) en Joukje Luitzens van der Sluis (1829-1914). Har heit wie dokter yn Akkrum en Huzum. Nei syn ferstjerren ferhuze de húshâlding nei Grins; se krige dêr les fan J.H. Egenberger.

Yn 1883 ferhuze Warten nei Amsterdam, dêr't se studearre oan de Rijksnormaalschool voor Teekenonderwijzers (1883 -1890) by J.R. de Kruijff en Georg Sturm . Paul Bodifée, Suze Fokker en A.M. Gorter sieten by har yn de klasse. Warten folge dêrnjonken tegearre mei ûnder oaren Augustine Obreen de jûnskursus oan de Ryksakademy foar Byldzjende Keunsten (1888-1889) by Ferdinand Oldewelt. Se wurke in skoft as ûnderwizeres om troch de tiid te kommen ear't hja har folslein oan de keunst wije koe.

Warten skildere, tekene en etste ynterieurs, sjenrestikken, stedsgesichten en lânskippen. Se wie lid fan Arti et Amicitiae, Sint Lucas, de Pulchri Studio en it genoatskip Kunstliefde en eksposearre meardere kearen, ûnder oare by de tentoanstellingen fan Levende Meesters, op de ynternasjonale tentoanstelling yn Berlyn (1905) en op De Vrouw 1813-1913.

Froukje Wartena ferstoar yn'e âldens fan 77 jier.

Galery

• 
  Portret fan Rosalie, kryttekening, Ryksmuseum Amsterdam
• 
  Strjitsje yn in Dútsk doarp, kryttekening, Ryksmuseum Amsterdam
• 
  It skilen fan'e jirpels yn it sintsje, pasteltekening
• 
  Famke mei pop (1909), skilderij

Keppeling om utens

• (ned) ARTindex Lexicon Online

Boarnen, noaten en/as referinsjes: