Francesco Cetti

Francesco Cetti
persoanlike bysûnderheden
nasjonaliteit	Italjaansk
berne	9 augustus 1726
berteplak	Mannheim
stoarn	20 novimber 1778 (52 jier)
stjerplak	Sassari, Keninkryk Sardynje
wurkpaad
berop/amt	preester
aktyf as	wiskundige, söolooch, natuerûndersiker
bekendste   wurk(en)	Storia Naturale di Sardegna (1774–1777)

Francesco Cetti (Mannheim, 9 augustus 1726 – Sassari, 20 novimber 1778) wie in Italjaanske roomsk-katolike pryster, natuerûndersiker (benammen soölooch) en wiskundige.

Biografy

Cetti waard berne yn Mannheim yn Dútslân, mar syn âlden kamen oarspronklik út Como. Hy waard oplaat yn Lombardije en oan it Jezuïtekolleezje yn Monza.

Cettisjonger (Yllustraasje fan John Gerrard Keulemans)

Yn 1765 waard er nei Sardinië stjoerd om dêr it ûnderwiisnivo op it eilân te ferheegjen. Yn 1766 waard er beneamd op de learstoel mei de learopdracht wiskunde oan de universiteit fan Sassari. Hy hie dy learstoel oant syn dea ta.

Cetti swalke faak yn 'e omkriten fan Sassari, wêrby't er sûchdieren, fûgels, fisken, ynsekten en fossilen ûndersocht en sammele. Syn ûntdekkingen en fynsten lei er fêst yn de Storia Naturale di Sardegna (de 'natuerlike histoarje fan Sardinië'), 1774 – 7, in wurk yn fjouwer dielen.

Cetti wurdt betocht yn 'e namme fan 'e Cettisjonger (Cettia cetti), dy't op Sardynje sammele waard troch Alberto della Marmora.

Wurken

• Cetti, Francesco, Storia Naturale di Sardegna. G. Piattoli, Sassari (1774).
• Cetti, Francesco, Storia Naturale di Sardegna. G. Piattoli, Sassari (1776).
• Cetti, Francesco, Storia Naturale di Sardegna. G. Piattoli, Sassari (1777).
• Cetti, Francesco, Appendice alla storia naturale dei quadrupedi di Sardegna. G. Piattoli, Sassari (1777).

Boarnen, noaten en/as referinsjes:

Dit artikel of in eardere ferzje dêrfan is, foar in part, in oersetting fan it artikel en:Francesco Cetti op de Ingelsktalige Wikipedia