Flaggesturtkolibry
| Flaggesturtkolibry | ||||||||||||
|---|---|---|---|---|---|---|---|---|---|---|---|---|
_ESEC_de_Caetés,_PE.jpg) | ||||||||||||
| taksonomy | ||||||||||||
| ||||||||||||
| soarte | ||||||||||||
| Discosura longicaudus | ||||||||||||
| (Gmelin), 1788 | ||||||||||||
| IUCN-status: net bedrige | ||||||||||||
| ferspriedingsgebiet | ||||||||||||
 |
De flaggesturtkolibry (Discosura longicaudus) is in fûgel út 'e famylje kolibrys (Trochilidae). De soarte falt foaral op troch de twa spektakulêre sturtfearren fan it mantsje, dy't einigje yn "flachjes".
Namme
[bewurkje seksje | boarne bewurkje]De wittenskiplike soartenamme longicaudus komt út it Latyn en betsjut "langsturt" (longus = lang, cauda = sturt). De namme fan it skaai, Discosura, ferwiist ek nei de foarm fan de sturtfearren (Gryksk: diskos = skiif, oura = sturt), al ha de measte soarten fan it skaai in puntige sturt.
Ferskining
[bewurkje seksje | boarne bewurkje]De flaggesturtkolibry is in lytse kolibry mei in lichemslingte fan likernôch 10 sintimeter (ynklusyf de lange sturtfearren fan it mantsje). It mantsje hat in glânzgjend grien fearrekleed mei in koperkleurige glâns op 'e krún en de kiel. Syn meast opfallende skaaimerk is de djip foarke sturt, wêrfan de bûtenste fearren tige lang binne en spatelfoarmich einigje.
It wyfke is wat lytsers as it mantsje en mist de lange sturtfearren. Hja hat in griene boppekant en in witige kiel mei donkere spikkels. De sturt fan it wyfke is koart en hat wite punten oan 'e einen. Beide skaaien ha in ljochte bân oer de stút.
Fersprieding en systematyk
[bewurkje seksje | boarne bewurkje]De flaggesturtkolibry komt foar yn 'e tropyske leechlannen fan it noardeasten fan Súd-Amearika. Syn ferspriedingsgebiet omfiemet Suriname, Guyana en Frânsk-Guyana en it noarden fan Brazylje (benammen it Amazônebekken). Dielen fan súdlik Fenezuëla en it uterste easten fan Kolombia. Der wurde binnen dizze soarte gjin ûndersoarten erkend (monotypysk).
Ekology
[bewurkje seksje | boarne bewurkje]De fûgel libbet benammen yn 'e boppeste lagen fan it reinwâld en oan 'e rânen fan fochtige bosken. Se wurde ek wol sjoen yn iepen boskgebieten en yn tunen. De flaggesturtkolibry yt nektar fan bloeiende beammen en strûken en fangt dêrnjonken lytse ynsekten yn 'e loft foar de nedige aaiwiten. Troch harren lytse formaat en de manier fan fleanen lykje se somtiden mear op in grutte bij of in mot as op in fûgel. Krekt as oare kolibrys binne se tige beweeglik en kinne se yn 'e loft stilhingje wylst se nektar drinke.
Status en bedrigingen
[bewurkje seksje | boarne bewurkje]Op 'e Reade list fan 'e IUCN hat de flaggesturtkolibry de status net bedrige (Least Concern). Hoewol't it ferspriedingsgebiet grut is, wurdt de populaasje lokaal bedrige troch it ferlies fan habitat troch it ûntboskjen. De fûgel komt net algemien foar en se wurde selden sjoen. Der wurdt tocht dat de oantallen ôfnimme.
| Boarnen, noaten en/as referinsjes: | ||
|
