Flagge fan Weidum
De flagge fan Weidum is de flagge fan it doarp Weidum, yn de Fryske gemeente Ljouwert. De flagge waard yn 2001 registrearre.
It ûntwerp is fan J.C. Terluin en R.J. Broersma.
Beskriuwing
[bewurkje seksje | boarne bewurkje]De beskriuwing fan de flagge is:
Blau mei in fjouwer kear trepte reade broekingstrijehoek, wêrfan de fjirde trede de top foarmet en op 7/15 flaggelingte leit, de trijehoeke belein mei in giele seispuntige stjer fan 2/5 flaggehichte; en oanslutend op de reade trijehoek in giele fjouwer kear trepte broekingstrijehoek, nei de broekside ferlinge mei 4/15 flaggelingte, wêrfan de top leit op 11/15 flaggelingte.
De kleuren komme út it wapen fan Weidum.
Symbolyk
[bewurkje seksje | boarne bewurkje]- Kleurstelling: oernommen út it wapen fan Baarderadiel, de gritenij en gemeente dêr't it doarp eartiidsk part fan wie. Fan de 18e iuw oant de 20e iuw wie Weidum it haadplak fan Baarderadiel.
- Stjer: oernommen út it wapen fan Baarderadiel.
- Trepgevels: ferwiist nei de staten dy't yn it doarp stiene: Dekemastate, Haniastate, Papmastate en Wobbemastate.
