Flagge fan Folsgeare
Appearance

De flagge fan Folgeare is de flagge fan it doarp Folsgeare, yn de Fryske gemeente Súdwest-Fryslân. It wapen waard yn 2003 registrearre.
It ûntwerp is fan J.C. Terluin.
Beskriuwing
[bewurkje seksje | boarne bewurkje]De beskriuwing fan de flagge is:
Yn't blau in rjochthoekige, ek wer in blauwe broekingstrijehoeke, belein mei in giele klaver; oanslutend oan de broekingstrijehoeke in wite rjochthoekige broekkeper, dêr't de top fan leit op in ôfstân fan de side, lyk oan de flaggehichte; de keper belein mei op syn punt steande reade fjouwerkanten, yn de foarm fan de keper oardere yn twa rigen; elk fjouwerkant mei siden gelyk oan 1/10 flaggehichte.
De kleuren komme út it wapen fan Folsgeare.
Symbolyk
[bewurkje seksje | boarne bewurkje]- Blau fjild: ferwiist nei de lizzing oan de eardere Middelsee. Dêrneist is de kleur oernommen út it wapen fan Wymbritseradiel, de gritenij en gemeente dêr't it doarp eartiidsk part fan wie.
- Keper: ferwiist nei de hoeke yn de Tsjaerddyk. It roaster ferwiist nei Laurentius fan Rome, patroanhillige fan de Laurentiustsjerke fan Folsgeare.
- Klaverblêd: ferwiist nei de feehâlderij.