Ferkearsramp by Prinsenbeek

Ferkearsramp by Prinsenbeek
De ravaazje nei it ûngelok
bysûnderheden
type ramp	Kettingbotsing
oarsaak	Tichte mist
datum	25 augustus 1972
tiid	5:30
lân	Nederlân
Provinsje	Noard-Brabân
Gemeente	Breda
plak	Prinsenbeek
statistiken
deaden	13
ferwûnen	26
lokaasje
Lokaasje fan de kettingbotsing

De ferskearsramp by Prinsenbeek wie in kettingbotsing yn de moarn fan 25 augustus 1972 op de A16 wêrby't 13 minsken om it libben kamen en 26 persoanen ferwûne rekken.

De ramp

De ramp die him foar by tige tichte mist op it stik dyk tusken de Markbrêge en de ôfrit Prinsenbeek. Op dizze fierder ljochte moarn hongen der tichte mistbanken yn it lege lân om Breda hinne. It ferkear kommend fan de heger lizzende Markbrêge ôf ried ynienen yn de mistbank. Der ûntstie op'e hichte fan Prinsenbeek in lytse oanriding tusken in frachtwein en in tankauto, wêrfoar't it efterop kommend ferkear, benammen frachtweinen net mear op 'e tiid remje koene. Oer in grutte ôfstân en op beide rydstripen rieden weinen opinoar yn. Der ûntstiene fûle brannen.

Nei de oarspronklike kettingbotsing rjochting Breda wie ek in kettingbotsing op de oare rydstripe. Op itselde stuit By Zevenbergschen Hoek barde der noch in ûngelok wêrby't twa tankweinen belutsen wiene en ek dêr ûnstie brân.

Belutsen reauwen

By de ferskate ûngelokken op dizze lokaasje wiene 40 persoane-auto's, 14 frachtweinen en fiif tankweinen belutsen. Benammen de lading fan trije fan de tankweinen levere in bydrage oan de omfang fan de ramp, om't brânbere floeistoffen dy't flam fette hiene in grutte brân feroarsaken.

De by de brân belutsen tankweinen wiene:

• in tankwein mei gasoalje (disel) en benzine dy't as earste yn 'e brân rekke;
• in lege tankwein foar it ferfier fan bleekwetter dy't ek hielendal yn'e brân stie;
• In tankwein mei 20 ton tige brânber vinylacetaat, wêrfan't 13 ton yn 'e brân stie. In twadde kompartimint fan 7 ton koe ôfskerme en kuolle wurde.

De oare twa tankweinen wiene folle mei in net-brânbere antyfriesfloeistof en in net-brânbere emulsy fan finylasetaat en wetter.

Oarsaak

In hommels opkommende mistbank en meardere frachtweinen dy't mei in behoarlike faasje te ticht opinoar rieden, ek wie net daalks dúdlik wat de tankweinen ferfierden. Der waard nimmen ferfolge foar de ramp. Yn de jierren sechstich en santich wiene der in protte deadlike ûngelokken yn it ferkear, pas letter waarden der oanpassingen oan de Nederlânske sneldiken dien, sa kamen der skieden rydstripen en fangrails en waarden gurdles yn auto's ferplichte. Tankweinen waarden tenei sa ûntwurpen dat de lading by in botsing beskerme waard tsjin lekkaazjes en fonkfoarming. Tankweinen en sjauffeurs dy't in gefaarlike lading ferfiere binne oan ekstra strange regels ûnderwurpen. Op dy tankweinen moat mei oranje buorden it stof-identifikaasjenûmer en de byhearrende gefareklasse oanjûn wurde.

Boarnen, noaten en/as referinsjes:

(ned) zwaalichten.org, 25 augustus 1972: Kettingbotsing Prinsenbeek, agivearre op 10 jannewaris 2010 (ned) Nieuwsblad van het Noorden, 25-8-1972, Zeventig auto's botsen in mist: zeker 16 doden (ned) Leeuwarder Courant, 25-8-1972, Minstens 16 doden bij kettingbotsingen op weg Breda-Rotteredam (ned) Leeuwarder Courant, 21-10-1972, Geen vervolging wegens verkeersramp Prinsenbeek (ned) Nieuwsblad van het Noorden, 12-1-1973, Heeft Prinsenbeek ons eigenlijk iets geleerd? Commons Wikimedia Commons  Ofbylden dy't by dit ûnderwerp hearre, binne te finen yn de kategory Ferkearsramp by Prinsenbeek fan Wikimedia Commons.