Eoban

Ut Wikipedy
Jump to navigation Jump to search

Eoban (Ingelân, ? - by Dokkum, 5 juny 754) wie in biskop fan Utert fan Angelsaksysk komôf en is hillich ferklearre. Eoban wie in muonts by de Benediktinen en waard preester. Mei Bonifatius en Willibrord evangelisearre er yn Fryslân.

Yn de moarn fan 5 juny 754 of 755, waard er deadien troch heidenske Friezen mei Bonifatius en 50 selskipsleden by Dokkum.

Oft syn dea in wiere martelersdea west hat of dat it rôfmoard west hat, is in teologysk fraachstik. Ut resinte stúdzjes docht bliken dat de dieders heidenske Friezen wienen dy't wisten mei wa't hja te meitsjen hienen, mar dy't ek harren trekken waarnamen en oergienen ta stellerij.

Ferearing yn Erfurt[bewurkje seksje | boarne bewurkje]

Nei 756 waarden de reliken fan de Utertse biskoppen Eoban en Adalar oerbrocht nei Fulda en neist Bonifatius begroeven. Foar 1100 binne de reliken ûnderbrocht yn Erfurt. Yn dy snuorje kaam ek de pelgrimaazje nei Erfurt op gong.

De sarkofaach mei de oerbliuwsels fan Adalar en Eoban yn de katedraal fan Erfurt is datearre op likernôch 1350.

Syn feestdei as hillige is 7 july.

Keppeling om utens[bewurkje seksje | boarne bewurkje]

  • Eoban yn it Ökumenisches Heiligenlexikon

Boarnen, noaten en referinsjes[boarne bewurkje]

Boarnen, noaten en/as referinsjes:
  • Dehio Mitteldeutschland, 1943, s. 94
  • Schubert, Ernst, Der Dom zu Erfurt, Berlyn 1992, Abb. 106
  • Wäß, Helga: Reliquiensarkophag für den heiligen Bischof Adolar und seinen heiligen Diakon Eoban, yn: Form und Wahrnehmung mitteldeutscher Gedächtnisskulptur im 14. Jahrhundert, hier Bd. 2, Katalog ausgewählter Objekte vom Hohen Mittelalter bis zum Anfang des 15. Jahrhunderts, Bristol, Berlyn 2006, s. 156 ff. mei ôfbylden. - ISBN 3-86504-159-0
  • Transkription des Prozessionsprotokolls für den Umgang mit den Reliquien der hll. Adolar und Eoban, yn: Helga Wäß: Prozessions­ordnung von 1452, yn: Form und Wahrnehmung mitteldeutscher Gedächtnisskulptur im 14. Jahrhundert, Bd. 1, Bristol en Berlyn 2006, s. 486 ff. - ISBN 3-86504-159-0