Elkana (bibelsk persoan)
| Elkana | ||
 | ||
| Elkana mei syn froulju Hanna en Peninna | ||
| Persoanlike gegevens | ||
| folk | Israeliten (stamme fan Levy, wennend yn it gebiet fan Efraïm) | |
| Famylje | ||
| heit | Jerocham | |
| partner(s) | Hanna en Peninna | |
| bern | Samuël en fiif oare bern by Hanna; ferskate soannen en dochters by Peninna | |
| Bibelske rol | ||
| perioade | 11e iuw f.Kr. | |
| bekend fan | heit fan de profeet Samuël | |
| neamd yn | 1 Samuël 1-2; 1 Kroniken 6 | |
| religieuze tradysje | joadedom; kristendom | |
Elkana (Hebriuwsk: אֶלְקָנָה) is in bibelsk persoan út it Alde Testamint. Hy wie de man fan Hanna en de heit fan 'e profeet Samuël. Elkana wenne yn Rama (ek wol Ramataïm neamd) yn it berchlân fan Efraïm.
It ferhaal fan Elkana
[bewurkje seksje | boarne bewurkje]Elkana hie twa froulju: Hanna en Peninna. Hoewol't Elkana in soad fan Hanna hold, wie hja ûnfruchtber, wylst Peninna wol bern hie. Dat soarge foar spanningen yn 'e húshâlding, om't Peninna Hanna hieltyd narre dat God har skurte tasletten hie. Elkana besocht Hanna te treasten troch har in dûbel part fan it offerfleis te jaan en tsjin har te sizzen: "Bin ik dy net mear wurdich as tsien soannen?"
Alle jierren reizge Elkana mei syn húshâlding nei it hillichdom yn Sjilo om de Heare te oanbidden en te offerjen. Dêr bidde Hanna om in soan. Doe't har gebed ferheard waard en Samuël berne wie, stipe Elkana syn frou yn har ûnthjit om it bern oan God te wijen. Hy bleau trou oan syn religieuze plichten en wurdt yn 'e Bibel beskreaun as in man dy't God tsjinne.
Ofstamming
[bewurkje seksje | boarne bewurkje]Hoewol't Elkana yn it boek 1 Samuël neamd wurdt as in man út it berchlân fan Efraïm en in Efratyt neamd wurdt, jout it register fan 'e stamhuzen yn 1 Kroniken 6 oan dat er oer syn heit Jerocham ôfstammet fan Levy. Dat betsjut dat er in Levyt wie, dy't yn it stammegebiet fan Efraïm wenne.
Betsjutting
[bewurkje seksje | boarne bewurkje]De namme Elkana betsjut "God hat makke". Yn 'e bibelske skiednis stiet er bekend as in leafdefolle man en in tawijde heit, dy't de geastlike groei fan syn soan Samuël mooglik makke troch it ûnthjit fan Hanna te respektearjen.
| Boarnen, noaten en/as referinsjes: | ||
|
It ferhaal fan Elkana is foaral te finen yn 1 Samuël 1 en 2. Syn stambeam wurdt neamd yn 1 Kroniken 6:22-28.
|
