Echte hûnen

Echte hûnen
De reade wolf (Canis rufus).
Taksonomy
ryk:	dieren (Animalia)
stamme:	rêchstringdieren (Chordata)
ûnderstamme:	wringedieren (Vertebrata)
klasse:	sûchdieren (Mammalia)
skift:	rôfdieren (Carnivora)
ûnderskift:	hûndieren (Caniformia)
famylje:	hûneftigen (Canidae)
ûnderfamylje:	echte hûneftigen (Caninae)
tûke:	echte hûnen (Canini)
Fischer von Waldheim, 1817

De echte hûnen (Latynske namme: Canini) foarmje in tûke fan 'e klasse fan 'e sûchdieren (Mammalia), it skift fan 'e rôfdieren (Carnivora), it ûnderskift fan 'e hûndieren (Caniformia), de famylje fan 'e hûneftigen (Canidae) en de ûnderfamylje fan 'e echte hûneftigen (Caninae). Dizze taksonomyske groep omfettet de hûnen, wolven, jakhalzen, prêrjewolven en in stikmannich oare, minder bekende bistesoarten.

Binnen de ûnderfamylje fan 'e echte hûneftigen, dy't opboud is út twa tûken, ûnderskiede de echte hûnen har fan 'e echte foksen (Vulpini), troch in breder ferskaat oan lichemsgrutte, in minder spitse snút en minder grutte earen. Echte hûnen binne lânseigen op alle wrâlddielen mei útsûndering fan Antarktika. Ien lid fan dizze tûke, de hûn, eins in ûndersoarte fan 'e grize wolf, is lang lyn al troch de minske domestisearre, en is hjoed de dei ien fan 'e meast holden húsdieren.

De grize wolf (Canis lupus).

De prêrjewolf (Canis latrans).

De Aziatyske wylde hûn of dhole (Cuon alpinus).

De hyenahûn (Lycaon pictus).

Tûke-opbou

tûke echte hûnen (Canini) skaai Aziatyske wylde hûnen (Cuon) Aziatyske wylde hûn, reade hûn of dhole (Cuon alpinus) skaai boskhûnen (Speothos) boskhûn (Speothos venaticus) Speothos pacivorus † skaai Falklânfoksen (Dusicyon) † Dusicyon avus † Falklânfoks (Dusicyon australis) † skaai hyenahûnen of Afrikaanske wylde hûnen (Lycaon) hyenahûn, Afrikaanske wylde hûn of Kaapske jachthûn (Lycaon pictus) skaai hûnen (Canis) Abessynske wolf of Etiopyske wolf (Canis simensis) Afrikaanske goudwolf (Canis anthus) Canis adoxus † Canis ameghinoi † Canis apolloniensis † Canis armbrusteri † Canis arnesis † Canis cautleyi † Canis cedazoensis † Canis donnezani † Canis edwardii † Canis cipio † Canis etruscus † Canis ferox † Canis gezi † Canis lepophagus † Canis michauxi † Canis mosbachensis † Canis nehringi † goudjakhals, gewoane jakhals of goudwolf (Canis aureus) grize wolf (Canis lupus) dingo (Canis lupus dingo) hûn (Canis lupus familiaris) prêrjewolf of coyote (Canis latrans) reade wolf (Canis rufus) reuzewolf (Canis dirus) † sealjakhals (Canis mesomelas) streekte jakhals (Canis adustus) skaai koartearfoksen (Atelocynus) koartearfoks (Atelocynus microtis) skaai krabbefrettende foksen of savannefoksen (Cerdocyon) Cerdocyon avius † Cerdocyon ensenadensis † krabbefrettende foks of savannefoks (Cerdocyon thous) skaai moannewolven of moanjeswolven (Chrysocyon) moannewolf of moanjeswolf (Chrysocyon brachyurus) skaai Nurocyon † skaai Protocyon † skaai Sardyske dholes (Cynotherium) † Sardyske dhole (Cynotherium sardous) † skaai Súdamerikaanske foksen (Lycalopex) Andesfoks (Lycalopex culpaeus) azarafoks of Azara's foks (Lycalopex gymnocercus) Brazyljaanske fjildfoks (Lycalopex vetulus) darwinfoks of Darwins foks (Lycalopex fulvipes) Patagoanyske foks (Lycalopex griseus) Perûviaanske woastynfoks (Lycalopex sechurae) skaai Theriodictis † skaai Xenocyon †

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References en General references, op dizze side.