Dwerchpappegaaien

Dwerchpappegaaien
Swartkraachdwerchpappegaai
Taksonomy
ryk:	dieren (Animalia)
stamme:	rêchstringdieren (Chordata)
ûnderstamme:	wringedieren (Vertebrata)
klasse:	fûgels (Aves)
skift:	pappegaai-eftigen (Psittaciformes)
boppefamylje:	pappegaaien of echte pappegaaien (Psittacoidea)
family:	pappegaaien fan de Alde Wrâld (Psittaculidae)
skaai	dwerchpappegaaien (Agapornis)
Selby, 1836

Dwerchpappegaaien (Agapornis) foarmje in fûgelskaai yn 'e famylje pappegaaien fan de Alde Wrâld (Psittaculidae)

It binne lytse pappegaaikes fan 13 oant 17 sm lang, dy't oarspronkik allinnich yn Afrika besuden de Sahara foarkomme. Der binne njoggen ferskillende soarten en troch de avikultuer binne de rôskopdwerchpappegaai, Fischers dwerchpappegaai en swartkopdwerchpappegaai de bekendste soarten.

De fûgels binne yntelligent en tige sosjaal en foarmje pearkes foar it libben. Yn it wyld libje se yn lytse oant middelgrutte groepen. Se besteegje in soad tiid oan it fersoargjen fan inoars fearren en krûpe inoar faak oan. Yn 'e avikultuer moatte de fûgels dêrom altiten as pearke holden wurde (in mantsje en in pop of twa mantsjes, meardere wyfkes soarje foar swierrichheden). De fûgels moatte boppedat genôch útdagingen lykas boartersguod en romme fûgelhokken ha.

Yn it wyld ite de fûgels fral sied, beien, fruchten en somtiden knoppen fan beammen. Der binne ek soarten dy't in tige spesifyk dieet ha. Avokado's binne lykwols deadlik foar de fûgels.

It skaai waard yn 1836 troch Prideaux John Selby beskreaun, dy't de swartkraachdwerchpappegaai as typesoarte oanwiisde.

Soarten

It skaai telt 9 soarten.

Ofbyld	Fryske namme	Wittenskiplike namme	Fersprieding	Status
	Fischers dwerchpappegaai	Agapornis fischeri	Tanzania, Kenia	hast bedrige
	griiskopdwerchpappegaai	Agapornis canus	Madagaskar	net bedrige
	Njasadwerchpappegaai	Agapornis lilianae	Malawy, Mozambyk, Tanzania, Sambia, Simbabwe	hast bedrige
	readkopdwerchpappegaai	Agapornis pullarius	Sintraal en West-Afrika	net bedrige
	rôskopdwerchpappegaai	Agapornis roseicollis	Angoala, Namybje, Súd-Afrika	net bedrige
	swartkopdwerchpappegaai	Agapornis personatus	Tanzania, Kenia	net bedrige
	swartkraachdwerchpappegaai	Agapornis swindernianus	Reinwâlden West- en Sintraal-Afrika	net bedrige
	swartwangdwerchpappegaai	Agapornis nigrigenis	Sambia	kwetsber
	swartwjukdwerchpappegaai	Agapornis taranta	Etioopje en Eritreä	net bedrige

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Agapornis fan Wikimedia Commons.