Driezum

Ut Wikipedy
(Trochferwiisd fan Driesum)
Springe nei navigaasje Springe nei sykjen
Driezum
Map NL Dantumadiel Driezum.png Doarpsgebiet fan Driesum yn de gemeente Dantumadiel
Flagge Wapen
Flagge fan Driezum.gif Wapen fan Driezum.jpg
Sifers
Ynwennertal 810 (2021) [1]
Polityk
Lân Flag of the Netherlands.svg Nederlân
Provinsje Frisian flag.svg Fryslân
Gemeente Flag of Dantumadeel.svg Dantumadiel
Oar
Tiidsône UTC +1
Simmertiid UTC +2
Koördinaten 53° 17' N 6° 41' E
Webside Webstee Fer. foar Doarpsbelangen Driezum

Driezum is in doarp mei in 974 ynwenners (jannewaris 2014) yn de gemeente Dantumadiel. It doarp is it meast eastlike fan de Dokkumer Wâlden. Oan de westkant fan Driezum leit it twillingdoarp Wâlterswâld, dêr't Driezum in protte ferienings mei dielt. Yn it agraryske doarp waard eartiids sûkerei, mar ek woartel ferboud. Driezum waard dêrom ek wol de Woartelstêd neamd.

Skiednis[bewurkje seksje | boarne bewurkje]

Terp[bewurkje seksje | boarne bewurkje]

It âldste part fan Driezum leit in lytse twa kilometer oan de noardkant fan Driezum, dêr't de Driezumer terp leit. De terp is yn de Twadde Wrâldoarloch ôfgroeven. Op de terp stie de Canterstate, dy't yn de 19e iuw ôfbrutsen is. De state waard foar it earst neamd yn it "Register van den Aanbreng" út 1511 en is ferneamd nei de grutgrûnbesitster Renscke Jacobs Canter. Dochter Anna Canter, de lettere eigenaresse, troude mei de skepen Jacob Adams, dy't yn it stedsbestjoer fan Ljouwert siet. Hy liet him ek Canter neame. De state bleau lang yn it besit fan de famylje. Om't der yn 1847 in te leech bod útbrocht waard op de state, besleat de eigener Petrus Jacobus van Knijff de state yn 1855 ôf te brekken. By graafwurk oan in sleat by de terp binne yn 1895 in soad Romeinske munten fûn.

It streekdoarp[bewurkje seksje | boarne bewurkje]

It streekdoarp sels is yn de midsiuwen lâns in ûntginningsas de hjoeddeiske, Efterwei/fan Sytzamawei, fierder yn kultuer brocht. Heaks op de as waarden lange sletten groeven. Op it plak fan it earste houten tsjerkje ûntstie letter de earste buorren. Yn de Midsiuwen stienen der wol fiif stinzen: Canter State, Halbada State, Ophuystra State, Jarichsma State en Rinsma State. Fan Driezum rûn de Driezumer Feart nei de Driezumer Mar. Fan de mar rûn de Driezumer Ryd de Driezumer terp bylâns fierder nei it noarden, en kaam troch de Driezumer Syl út yn it Dokkumer Djip.

Rinsmastate[bewurkje seksje | boarne bewurkje]

Rinsmastate

Oan de eastkant fan Driezum leit it buorskip Eastwâld. Tusken Driezum en Eastwâld leit Rinsmastate, fan âlds in aadlike state dêr't oant 1931 de baronnen Van Sytsema wennen. Guon fan harren wiene boargemaster fan Dantumadiel. Douwe Jan Vincent van Sytzama is de bekendste fan dat aadlike skaai. Hy wie de earste boargemaster fan Dantumadiel, lid fan de Fryske Steaten en keamerhear fan Willem III. Yn 1942 waard Rinsmastate in hûs foar de âlderein, mar yn 1944 waard de state troch bommen rekke en it haadgebou baarnde út. De weropbou folge nei de oarloch yn deselde foarm, mar sûnder de eardere bepleistering. Ek it wetterskip hat letter noch in skoftke yn de state sitten. Fan 1971 oant 1999 wie de state it gemeentehûs fan Dantumadiel. Dêrnei kocht DSB-eigner Dirk Scheringa Rinsmastate, dy't de state yn âlde styl werom restaurearre. Ek de tún is doe wer neffens it âlde ûntwerp fan Lucas Pieters Roodbaard ynrjochte.[2] Nei it faillissemint fan Scheringa waard de state ferkocht oan in Rus.[3] Om Rinsmastate hinne leit in park, better bekend as de Driezumer bosk.
Efter Rinsmastate is yn 1972 it baggerdepot Petsleat/Swemmer oanlein. Dat baggerdepot is yn 1985 omfoarme ta rekreaasje- en natoerterrein "Rinsma pôlle".

Skoalhûs[bewurkje seksje | boarne bewurkje]

Skoalhûs út 1787

Oan de Tsjerkestrjitte 2 stiet in skoalhûs út 1787. It gebou hat in sealdak tusken topgevels. Boppe de yngong is in klokgevel boud mei de stiftingsstien en it jiertal fan de bou. Yn de rjochter keamer sit in ienfâldige betimmering en in 18e-iuwske doar. It Skoalhûs is in ryksmonumint.[4]

Mienskip[bewurkje seksje | boarne bewurkje]

Mei Wâlterswâld hat Driezum in doarpskrante.

Tsjerke[bewurkje seksje | boarne bewurkje]

Herfoarme tsjerke
1rightarrow.png De Wikipedy hat ek in side Herfoarme tsjerke (Driezum).

De herfoarme tsjerke oan de Sytzamawei yn Driezum is de tsjerke fan de herfoarme PKN-gemeente.

Ferienings[bewurkje seksje | boarne bewurkje]

Ien kear yn 't jier, sa ein augustus wurdt de Kennedymars fan Driezum nei Wâlterswâld organisearre. It giet der om, binnen 20 oeren 80 km. te rinnen. In oar evenemint is de hyndertriatlon Driezum-Wâlterswâld.

  • Fuotbalferiening VIOD
  • De Fleanende Pylken - darts
  • Onvoorspelbaar - biljerten
  • Utdagers - biljerten
  • Lyts Begjin - keatsen
  • Excelsior - muzyk
  • Jubilate deo - sjongen
  • De Wâldtsjers - folleybal
  • Fûgelwacht Driezum-Wâlterswâld
  • Redsum - gymnastyk
  • Ut 'e Sleur - feest
  • It Plûmke - badminton

Befolkingsferrin[bewurkje seksje | boarne bewurkje]

Jier 1850 1954 1959 1964 1969 1974 2004 2014 2021
Ynwenners 450 1.004 1.057 944 873 861 1.000 974 810

Berne yn Driezum[bewurkje seksje | boarne bewurkje]

Strjitten yn Driezum[bewurkje seksje | boarne bewurkje]

T-splitsing Van Sytzamawei/Achterwei/H.G. van der Veenstrjitte
Achterwei
  • Brakkenspaad -
  • Achterwei -
  • Canterstrjitte - Canterstate
  • De Steech -
  • Driezumerterp - Driezumerterp
  • Eastwâld - Eastwâld
  • Foarwei -
  • Freulestrjitte - dizze ‘freule' wie de lêste telch fan de Van Sytzama's dy't Rinsmastate as bûtenferbliuw brûkte.
  • Headollewei -
  • H.G. van der Veenstrjitte - Fryske skriuwer Hjerre Gjerrits van der Veen
  • Kolkensloane -
  • Leiensingel - Dizze sydwei fan Eastwâld mei dan in eintsje fan de aadlike Rinsmastate ôflizze, it heart wol by it lângoed. It leantsje is grif oanlein om 1863 en waard ûnder mear brûkt om efter de state te kommne. De namme Leiensingel waard pas op 27 febrewaris 1990 troch de gemeenteried fêststeld en ferwiist nei it gebiet efter it park dat oantsjutten waard mei De Leien.
  • Master Hofstrastrjitte -
  • Nijewei -
  • Ophuystrawei - Ophuystra
  • Sape Meijerstrjitte - Sape Meijer
  • Singel -
  • Terpwei -
  • Trekwei - bylâns de Strobosser Trekfeart
  • Tsjerkestrjitte -
  • Van Zytsamawei - Douwe Jan Vincent van Sytzama
  • Wâlddyk -

Sjoch ek[bewurkje seksje | boarne bewurkje]

Keppeling om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. Alle Cijfers
  2. Driezum Nijs, 19 juny 2006
  3. Omrop Fryslân, 3 oktoer 2013
  4. Rykstsjinst foar it Kultureel Erfgoed

 
Plakken yn de gemeente Dantumadiel
Flagge fan de gemeente Dantumadiel
Haadplak: Damwâld
Doarpen en útbuorrens: BroeksterwâldDriezumDe FalomFeanwâldenFeanwâldsterwâl (foar in part) • RinsumageastReadtsjerkSibrandahûsWâlterswâldDe Westereen
Buorskippen: Kûkherne (foar in part) • Eastwâld
Eardere doarpen: DantumawâldIkkerwâldMoarrewâld