Dorchester (Dorset)

Ut Wikipedy
Dorchester
Polityk
Lân Ingelân
Greefskip Dorset
Regio Súdwest Ingelân
Sifers
Ynwennertal 19.060 (2011)
Hichte 10 m.
Oar
Tiidsône UTC
Simmertiid UTC
Offisjele webside
Dorchester Town Council


Dorchester is in stêd yn it distrikt West Dorset, yn it Ingelske greefskip Dorset.

Dorchester is it haadplak fan it Ingelske greefskip Dorset. De stêd leit oan de rivier de Frome en is fanâlds in merkplak foar de fral agraryske omkriten. De pleatslike yndustry hat ûnder oaren bedriuwen foar learferwurking en lânboumasines.

Dorchester hat in lange skiednis. De stêd waard stichte troch de Romeinen om it jier 70 hinne ûnder de namme Durnovaria. Oerbliuwsels út de Romeinske tiid binne restanten fan de stedsmuorren en de fûndearrings fan in Romeinsk hûs. Artefakten binne te sjen yn it Dorset County Museum.

Yn de omkriten binne oerbliuwsels út de prehistoarje, lykas Maiden Castle út de 4e iuw f.Kr., op it plak fan in neolityske delsetting út ûngefear 3000 f.Kr.

Dorchester (Casterbridge), spilet in rol yn in protte romans fan Thomas Hardy, benammen yn The Mayor of Casterbridge. Hardy syn hûs yn Dorchester is iepen foar besikers en der is in stânbyld fan de skriuwer.

Berne yn Dorchester[bewurkje seksje | boarne bewurkje]

Keppelings om utens[bewurkje seksje | boarne bewurkje]