Dirk Antonie Nicolaas Margadant

	Dirk Antonie Nicolaas Margadant
	persoanlike bysûnderheden
nasjonaliteit	Nederlânsk
berne	22 febrewaris 1849
stoarn	26 oktober 1915
	wurkpaad
berop/amt	arsjitekt
bekendste ; wurk(en)	Den Haach HS (1891, twadde stasjon) en Haarlim (1906, fjirde stasjon)

Dirk Antonie Nicolaas Margadant (De Haach, 22 febrewaris 1849 – Amsterdam, 26 oktober 1915) wie in Nederlânske arsjitekt; hy ûntwurp ferskate stasjonsgebouwen foar de Hollandsche IJzeren Spoorweg-Maatschappij (HIJSM).

Karriêre[bewurkje seksje | boarne bewurkje]

Margadant kaam yn 1870 yn tsjinst by de boukundige ôfdieling fan de HIJSM. Hy ûntwikkele him dêr ta arsjitekt. Yn 1874 ûntwurp er syn earste stasjon, de lytse halte Maartensdijk. Yn syn karriêre ûntwurp er foar de HIJSM in searje stasjonsgebouwen, dêr 't Den Haach HS (1891, twadde stasjon) en Haarlim (1906, fjirde stasjon) de wichtichste foarbylden fan binne.

Margadant syn iere ûntwerpen binne yn de styl fan de Delftske renêssânse. It leit yn 'e reden dat Margadant him dy styl eigen makke fia it wurk fan Christiaan Posthumus Meyjes sr., dy ’t tusken 1880 en 1887 as arsjitekt foar de HIJSM wurksum wie. Margadant ûntwurp yn 1884 tegearre mei Posthumus Meyjes it haadkantoar fan de HIJSM yn Amsterdam. Meyjes wie ferantwurdlik foar de bûtengevels fan it gebou, Margadant ûntwurp it oare, ynklusyf de gevels om it binnenplak hinne. [ 1 ] Yn it lettere wurk fan Margadant wurdt mear de ynfloed fan H.P. Berlage sichtber.

Margadant hie ek in pear opdrachten bûten de HIJSM om. Hy fergrutte bygelyks yn 1899-1900 it Amstel Hotel mei in ekstra ferdjipping.