De begraffenis fan omke Wopke

Ut Wikipedy
Jump to navigation Jump to search

'De begraffenis fan omke Wopke' is in liet fan de Fryske sjonger Doede Veeman.

It liet wie oarspronklik in Amsterdamsk folksferske De begrafenis van Manke Nelis oer in begraffenis dy ’t finaal út de klauwen rint. De orizjinele ferzje waard om 1924 hinne skreaun troch Ferry van Delden. It waard yn 1956 noch songen troch Johnny Jordaan en letter ek noch troch Jenny Arean. De oarspronklike tekst wie folle langer en it gie dêryn noch folle mâlder om en ta. Neffens Veeman binne de Jordanezen ommers ‘de Wâldpiken fan Amsterdam'.[1] It oarspronklike ferhaal wie mooglik skreaun nei in wier bard ferhaal út de iuw dêrfoar. De mei Wâldfrysk opgniste Fryske ferzje fan Jan de Hoop waard as foardracht en as liet wol brûkt yn it Winterjûnenocht. Yn de santiger jierren waard it troch Doede Veeman op de plaat setten. Yn it liet wurdt it stoflik omskot fan Omke Wopke ferjitten ûnder it biljert, famylje tsiert leaver as dat se rouje en de taap jout in soad treast.

De begraffenis fan Omke Wopke stie tusken 2001 en 2007 alle jierren yn de top tsien fan de Fryske Top 100 fan Omrop Fryslân.

Te hearren op[bewurkje seksje | boarne bewurkje]

  • It beste ut de Fryske top 100 fan Omrop Fryslan (2015, CD)
  • Fryske Stjerre jûn, mei Gerbrand Westveen en it Nieuw Philharmonisch Orkest (2007, DVD)
  • Fryske stjerre jûn (april 2007)
  • Fryske stjerrejûn (maart 2007, CD)
  • Húske (1987, CD)
  • Frysk hit festival 3 troch Jilles (2005)
  • Toppers ut Fryslan troch Jilles de Puut (maart 1992, CD)

Literatuer[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: