Cranendonck

Lân	Nederlân
Provinsje	Noard-Brabân
Haadplak	Budel
Oerflak	78,05 km²
• dêrfan lân	76,50 km²
• dêrfan wetter	1,55 km²
Ynwennertal	21.048 (1 jannewaris 2024)
Befolkingstichtens	275 ynw./km²
Ferkearsier(en)
Netnûmer(s)	0495
Postkoade(s)	6020-6028
	www.cranendonck.nl

Cranendonck
Croanendonk

Cranendonck is in gemeente yn 'e provinsje Noard-Brabân. De gemeente hat 21.048 (1 jannewaris 2024) ynwenners op in oerflak fan 78,14 km². De gemeente Cranendonck makket diel út fan 'e Metropoalregio Eindhoven. De gemeente wurket mei de gemeenten Heeze-Leende en Valkenswaard gear yn in gearwurkingsferbân.

Plakken

Offisjele namme	Lokale namme	Ynwennertal
Budel (haadplak)	Buul	9.765
Maarheeze	Máres	5.120
Budel-Schoot	Schoot	2.155
Soerendonk	Zurrik	1.810
Budel-Dorplein	Dorplein	1.405
Gastel	Gastel	760

Skiednis

De earste skreaune skiednis fan Cranendonck giet werom op it jier 1318 mei't maarskalk Pekrionimus "Poolus" den Cranendonck doe yn it hjoeddeiske Cranendonck kaam. Hy soe dêr letter lânfâld wurde en syn hûs "Cranendonck" neame. De krite soe de namme Cranendonck lykwols earst yn 1997 legaal brûke. De gemeentenamme komt fan it kastiel Cranendonck, dat mooglik al yn 'e 13e iuw bestie en it bestjoerlike sintrum wie yn it gebiet.

De gemeente Cranendonck ûntstie op 1 jannewaris 1997 troch in fúzje fan 'e gemeenten Budel en Maarheeze (sûnder Sterksel). De doarpen Budel, Budel-Dorplein, Budel-Schoot, Gastel, Maarheeze en Soerendonk ha al sûnt lang in soad mienskiplik. De dialektfoarmen binne: Buul, Dorplein, Schoot, Mares en Zurrik. De útspraak fan Gastel is itselde.

De dûbele earn yn it wapen ferwiist nei de Cranendonck-tûke fan it Hûs Horne. De kraanfûgel yn 'e gemeenteflagge docht tinken oan 'e natuerlike omstannichheden fan doe. It oranje fan 'e stillearre kraanfûgel yn 'e troch de gemeente brûkte hûsstyl ferwiist nei it Hûs fan Oranje; kening Willem Aleksander draacht de aadlike titel Baron van Cranendonck.