Catrinus Werkhoven

	Catrinus Werkhoven
	keatser
	persoanlike bysûnderheden
echte namme	Catrinus Werkhoven
nasjonaliteit	Nederlânsk
bertedatum	7 oktober 1884
berteplak	Wytmarsum
stjerdatum	19 septimber 1959
stjerplak	Wytmarsum
etnisiteit	Frysk
	sportive ynfo
sport	keatsen
PC	1906,; 1909,; 1910,; 1913
debút	1902
karriêre-ein	1922
ekstra	2× PC kening (1909, 1910)

Catrinus Werkhoven (Wytmarsum, 7 oktober 1884 - dêre, 19 septimber 1959) wie in Frysk keatser.

Werkhoven helle 333 punten foar it ivich keatsklassemint. Catrinus waard, as soan fan in winkelman, yn Wytmarsum berne. Mei oare keatskoryfeeën, lykas Rein Zaagemans, Jan Sjoerds Kuperus en Sytze Abeles Kooistra, bekwaam er him yn de opslach en de útslach, jûn oan jûn. Syn mem wie der gjin foarstanner fan dat Catrinus it keatsspul beoefene. Hy like net sa sterk, wie lang en seach der bleek út. Dochs soe Catrinus, ien fan de alderbêste keatsers fan syn tiid wurde.

Hy behearske alle fasetten fan it keatsspul, wie in treflike útslagger, in treflike spullieder en in taktikus fan formaat. Hy wûn fjouwer kear de PC en seis kear de Bûnspartij foar Senioaren. Hy waard twa kear ta kening fan de PC útroppen.

Yn novimber 1943 yn de Twadde Wrâldkriich waard Werkhoven troch de Dútske besetter beneamd ta boargemaster fan Wûnseradiel. Syn broer Johannes Werkhoven waard op deselde wize boargemaster fan Ferwerderadiel.

Catrinus Werkhoven ferstoar op 19 septimber 1959 yn de âldens fan 74 jier.

Prizen

1903 - de Bond 1e priis
1903 - PC 2e priis
1904 - de Bond 1e priis
1904 - PC 2e priis
1905 - de Bond 2e priis
1906 - PC 1e priis
1907 - de Bond 1e priis
1908 - de Bond 3e priis
1909 - de Bond 3e priis
1909 - PC 1e priis
1910 - PC 1e priis
1911 - de Bond 1e priis
1912 - de Bond 1e priis
1912 - PC 2e priis
1913 - de Bond 2e priis
1913 - PC 1e priis
1917 - de Bond 1e priis
1918 - PC 2e priis

Boarnen, noaten en referinsjes

Boarnen, noaten en/as referinsjes: