Carl Romme

	Carl Romme
	politikus
	Carl Romme
echte namme	Carl Paul Maria Romme
nasjonaliteit	Nederlânsk
bertedatum	21 desimber 1896
berteplak	Oirschot
stjerdatum	16 oktober 1980
stjerplak	Tilburch
partij	KVP
	Lid Twadde Keamer
amtsperioade	1933,; 1946-1961
	fraksjefoarsitter KVP Twadde Keamer
amtsperioade	1946-1961
	Lid Provinsjale Steaten Noard-Hollân
amtsperioade	1935-1937,; 1946-1947
	Lid Earste Keamer
amtsperioade	1937
	Minister fan Sosjale Saken
regear	kabinet-Colijn IV
amtsperioade	1937-1939
foargonger	Marcus Slingenberg
opfolger	Marinus Damme

Carl Paul Maria Romme (Oirschot, 21 desimber 1896 – Tilburch, 16 oktober 1980) wie in Nederlânske advokaat, rjochtsgelearde en politikus. Hy wie de foaroanman fan de KVP dy't mei Drees yn de jierren nei WOII de Nederlânske polityk oerhearske.

Romme studearre Rjochten oan de Universiteit fan Amsterdam en waard dêrnei abbekaat.

Foar de Twadde Wrâldkriich wie Romme as jong Amsterdamsk gemeenteriedslid al in fûl katolyk politikus. Nei in heechlearaarskip yn Tilburch waard er yn 1937 minister fan Sosjale Saken yn it fjirde Kabinet-Colijn. Hy stribbe nei in mear aktive wurkgelegenheidspolityk en stipulearre de wurkleazen om yn nazi-Dútslân oan it wurk te gean. Dat resultearre yn 1938 yn twongen tewurkstelling fan 18.000 manlju yn Dútslân. Wegering hie koarting op de útkearing fan gefolgen. At Romme yn De Haach wie, wenne er yn 'Hotel De Witte Brug'.

Romme waard ek bekend fan syn sparregeling foar wurkleazen ('it kwartsje fan Romme'). Desimber itselde jier stelde er út betelle wurk foar troude froulju te ferbieden (útsein at sy allinne de kost fertsjinje moasten).

Nei de oarloch waard er net wer minister, faaks hie syn rol yn de oarloch (kommissaris fan in reklamebedriuw dat ek foar de Dútsers wurke) dêr mei te krijen. Hy wie yn 1951 wol ynformateur foar it Kabinet-Drees I. Oant 1961 wie er fraksjelieder en waard doe steatsried. Teffens wie er polityk kommentator fan de Volkskrant. Hy hie de bynamme: 'de Sfinks fan Overveen', nei it doarp dêr't er fan 1938 oant yn de jierren '50 wenne.

Keppeling om utens[bewurkje seksje | boarne bewurkje]

Biografy, Biografysk Wurdboek fan Nederlân

Ofbylden dy't by dit ûnderwerp hearre, binne te finen yn de kategory Carl Romme fan Wikimedia Commons.