Bundesstraße 210
| Bundesstraße 210 | |
|---|---|
| Langte: | 86 km |
| Kaart | |
 | |
De Bundesstraße 210 is in federale rykswei yn Dútslân. De dyk rint fan Emden fia Auwerk, Wittmund en Jever nei Wilhelmshaven en wurdt, neist de A28, beskôge as de wichtichste east-westferbining op it Eastfryske skiereilân. Om’t de B210 fierder nei it noarden rint as de A28, is er foar in protte stêden en gemeenten tusken Emden (mei oansluting op de A31) en Wilhelmshaven (mei oansluting op de A29) de wichtichste ferbining mei it sneldyknetwurk.
Skiednis
[bewurkje seksje | boarne bewurkje]Oarsprong
[bewurkje seksje | boarne bewurkje]Yn East-Fryslân begûn de oanlis fan ferhurde diken relatyf let. Ien reden wie de sompige boaiem, dy't de oanlis lestich makke. Tusken Emden en Auwerk wiene boaten yn eardere ieuwen it wichtichste ferfiermiddel. Dêrfoar waard de Treckfahrtstief (in ôfwetteringskanaal) oanlein, wêrfan't dielen no de rin fan it Ems-Jadekanaal foarmje. De earste ferhurde dyk dy't yn East-Fryslân oanlein waard, wie de dyk fan Auwerk nei Lier tusken 1834 en 1840. De oanlis fan in tolwei fan Emden nei Auwerk fia Georgsheil, dy't beskôge wurde kin as in foarrinner fan 'e hjoeddeiske rûte, waard yn 1845 foltôge, ynklusyf in tûke fan Georgsheil nei it noarden . De ûntbrekkende ferbining nei Wittmund waard yn 1869 foltôge.
Om 1937 hinne waard de lânwei tusken Auwerk en Sande ferklearre ta rykswei en oanwiisd as rykswei 210. It westlike stik tusken Emden en Georgsheil wie ûnderdiel fan Reichsstraße 70, it folgjende stik tusken Georgsheil en Auwerk hearde ta Reichsstraße 72. Nei de oanlis fan de autodyk A129 en A31 wie de B210 rûn lâns de rûte fan 'e eardere federale snelwegen 69 en 70 nei respektivelik Emden en Wilhelmshaven.
Ferfangingen
[bewurkje seksje | boarne bewurkje]Omliedingswegen binne sûnt sawat 1980 yn gebrûk om Wittmund hinne, sûnt sawat 2000 om Jever hinne, en sûnt desimber 2012 om Schortens hinne.
It stedssintrum fan Schortens moat ûntlêste wurde fan ferkear troch in bypass dy't de al foltôge Jever- bypass direkt ferbynt mei it knooppunt Wilhelmshaven oan de A. 29 ferbiningen. De plande rûte (fan 2012) is sawat 5,6 kilometer lang. De bougoedkarring waard ferliend yn 2003. Rjochtsaken tsjin it projekt waarden ôfwiisd. De ynvestearringskosten wurde rûsd op sawat 42 miljoen euro. Opname yn it ekonomysk stimulearringspakket fan 'e federale oerheid soarge foar finansiering en de rappe útfiering fan it bouprojekt. De earste spadesteek fûn plak op 7 july 2009. De offisjele iepening foar ferkear fûn plak op 7 desimber 2012.
Ferrin
[bewurkje seksje | boarne bewurkje]
It earste diel fan de B210 foarmet de eastlike oanfierrûte nei de autosnelwei yn Emden. It begjint by de Petkumer Straße, de wichtichste útfalwei nei it eastlike part fan Emden en einiget by it knooppunt Emden-East fan de A31. Dit part is in twabaansdyk mei oan beide kanten ferhurde bermen.
Fan dêrút rint de rûte fierder nei it noarden. By it knooppunt Emden-Mitte slút de B210 oan en giet dêrwei troch as de Auricher Straße. Dat diel is fjouwerbaans, om’t it de wichtichste útfalwei fan Emden nei it noarden is en foaral yn de spits in soad ferkear ferwurket, bygelyks by ploegewikselingen by de Volkswagen-fabryk yn Emden.
Yn de omkriten fan it knooppunt Emden-Mitte leit ek in grut yndustrygebiet mei in protte supermerken en spesjalistyske winkels.
De B210 rint fierder yn noard-noardeastlike rjochting. It distrikt Hinteran by Suurhusen waard yn de jierren njoggentich fan trochgeand ferkear ûntlêste troch de oanlis fan in omliedingswei. Nei Loppersum rint de federale rykswei troch de gemeente Südbrookmerland en komt by it distrikt Georgsheil by de B 72, dy’t út de rjochting fan Norddeich komt. Fan dêrút rinne de B210 en B72 tegearre fierder as Emder Straße troch Auwerk.
Tusken Georgsheil en de krusing by de Pferdemarkt yn Auwerk diele de B210 en B72 itselde trajekt. Parallel oan de B210 rint dêr de spoarline Abelitz–Aurich, op guon plakken mar in pear meter derfan ôf. Dat soarget foar in bysûnder smelle trochgong by Moordorf (gemeente Südbrookmerland). It trajekt tusken Moordorf en Auwerk heart ta de drokste parten fan de B210 yn East-Fryslân.
Fan it distrikt Extum ôf rint de B210 mei fjouwer rydstripen troch Auwerk. By de krusing Pferdemarkt – it drokste krúspunt fan East-Fryslân – skiede de B210 en B72 har wer: de B72 bûcht dêr nei it suden ôf, wylst de B210 fierder rint yn east-noardeastlike rjochting. Oant it distrikt Sandhorst bliuwt de dyk op syn hjoeddeiske trajekt. As Esenser Straße hat de B210 dêr fjouwer rydstroken.
By Sandhorst tûket in rykswei nei it noarden ôf nei it noardlike yndustrygebiet fan Auwerk, dêr’t ûnder mear wynmûnefabrikant Enercon produsearret. Foar Enercon is de B210 dêrom fan grut belang as ferbining mei de haven fan Emden, dêr’t de wynenerzjysystemen foar eksport ferstjoerd wurde. Swiere transporten, lykas generators en rotorblêden, fine faak plak yn de jûn- en nachtoeren, as it ferkear minder drok is. Yn de takomst soe de B210 ûntlêste wurde kinne troch mear ferfier oer de besteande spoarline.
De rykswei rint dêrnei troch it noardeasten fan Auwerk rjochting Wittmund, dat in omliedingswei hat. Dêr slút de B461 oan, dy’t nei Harlesiel rint. By de stedsgrins fan Jever feroaret de B210 yn in autodyk mei in saneamd “2-op-1-systeem”, wêrby’t de rydrjochtingen elkoar oer ferskate kilometers ôfwikselje: oer in beskaat trajekt binne der twa rydstripen yn de iene rjochting en ien yn de oare, wat de trochstreaming ferbetteret.
Sûnt om 2000 hinne rint de B210 om Jever hinne, en sûnt 2012 ek om Schortens. Earder gie de rykswei troch de stedssintrums fan alletwa plakken, wat benammen yn de simmermoannen ta files late, om't fakânsjegongers nei de kust troch smelle, twabaans strjitten ride moasten.
Fan de ôfslach Schortens ôf wurdt de B210 in fjouwerbaanswei mei struktureel skate rydbanen en krúst er de A29 by it knooppunt Wilhelmshaven. Dêrnei rint de dyk as twabaanswei troch nei Wilhelmshaven. Yn de stêd hjit de B210 Bismarckstraße en foarmet dêr ien fan de wichtichste east-westferbiningen.
Foardat de dyk it stedssintrum berikt, slút it Nordwestdeutsche Technologiezentrum oan yn de wyk Roffhausen (Schortens). Dat is fêstige op it terrein fan de eardere Olympia-kantoarmasinefabryk, dêr’t no ferskate bedriuwen sitte dy’t mei-inoar wurk biede oan tûzenen minsken.
Ek de krusing mei de Hooksieler Landstraße (rjochting noarden) en de Peterstraße, de twadde grutte east-westferbining fan Wilhelmshaven, hat in hege ferkearsyntinsiteit. De B210 einiget by de krusing mei de Gökerstraße yn it noarden fan it stedssintrum fan Wilhelmshaven, net fier fan it treinstasjon. De Bismarckstraße rint dêrnei noch fierder nei it easten ta, rjochting haven, mar as gemeentlike wei.
| Boarnen, noaten en/as referinsjes: |
Foar mear boarnen, sjoch de:Bundesstraße 210 |
 |
Ofbylden dy't by dit ûnderwerp hearre, binne te finen yn de kategory Bundesstraße 210 fan Wikimedia Commons. |