Mûne fan de polder Buitenweg

Mûne fan 'e polder Buitenweg
mûne / mole
Op 'e foargrûn de mûne fan 'e polder Buitenweg.
lokaasje
lân	Nederlân
provinsje	Utert
plak	Oud-Zuilen
adres	Nedereindsevaart 2
koördinaten	52°08' N 5°03' E
bysûnderheden
type mûne	wipmûne
funksje	poldermûne
flecht	18,00 / 18,10 m
boujier	1830 werbou: 2017
oare ynformaasje
eigner	Stifting De Utertske Mûnen
monumintale status	ryksmonumint
monumintnûmer	26481
Webside
www.utrechtslandschap.nl
Kaart

De Mûne fan 'e polder Buitenweg (bekend as de Buitenwegse Molen) is in wipmûne krekt bûten it doarp Oud-Zuilen yn 'e provinsje Utert.

De lytse mûne stiet fuort njonken de folle gruttere Westbroekse Molen. De kombinaasje fan dy twa mûnen bestiet út de lytste èn de grutste poldermûne fan 'e provinsje.

Skiednis

De mûne waard yn 1830 boud. Goed 100 jier letter waard de houten as ferfongen troch in as fan jitizer. De mûne krige doe ek nije roeden mei it systeem Dekker. Ek waard it skeprêd ferfongen troch in iepen skroefpompe. Dêrnjonken krigen de sitten kûgellagers, sadat de mûne makliker te kruien wie. Sûnt de jierren 1960 hie de mûne fokwjukken (systeem Fauël).

Yn 1972 droech it wetterskip Buitenweg de mûne oer oan 'e Stifting De Utertske Mûnen.

De ôfbaarnde mûne.

Yn 'e nacht fan 14 op 15 maart 2016 baarnde de mûne ôf. Nei alle gedachten wie brânstifting de oarsaak. Op 18 april 2017 binne de resten nei de mûnemakker yn Beijk (Limburch) brocht, dêr't de mûne rekonstruearre en restaurearre waard.

Ein 2017 waard de mûne op 'e âlde lokaasje wer opboud. Dêrby binne de eardere fokwjukken fan foar de brân ferfongen troch it systeem Dekker. Om safolle mooglik fan 'e oerbleaune balken nei de brân wer te brûken, is der in stalen konstruksje yn 'e mûne oanbrocht. De mûne is hjoed-de-dei wer mealree.

Keppeling om utens

• Mûnedatabase.
• Fer. De Hollânske Mûne

Boarnen, noaten en/as referinsjes:

Mûnedatabase. Commons Wikimedia Commons  Ofbylden dy't by dit ûnderwerp hearre, binne te finen yn de kategory Mûne fan 'e polder Buitenweg fan Wikimedia Commons.