Brilpinguïns

Brilpinguïns
Spheniscus demersus
Taksonomy
ryk:	dieren (Animalia)
stamme:	rêchstringdieren (Chordata)
ûnderstamme:	wringedieren (Vertebrata)
klasse:	fûgels (Aves)
skift:	pinguïneftigen (Sphenisciformes)
famylje	pinguïns (Spheniscidae)
skaai	brilpinguïns (Spheniscus)
Brisson, 1760

Brilpinguïns (Spheniscus) foarmje in fûgelskaai yn 'e famylje pinguïns (Spheniscidae). De typesoarte is de brilpinguïn.

De fjouwer soarten yn it skaai ha allegear in swartwite tekening mei in swarte rêch en kop en in wite búk mei donkere bannen oer it boarst. By de snaffel en eagen is ek in rôze, keal plak dat by de waarmteregulaasje helpt. De snaffel is yn ferlikening mei oare pinguïns relatyf stevich en lang.

It binne middelgrutte pinguïns fan likernôch 45 oant 70 sintimeter grut. Se binne oanpast om rap te swimmen. De koarte poaten binne nei efter set om yn it wetter gong te meitsjen, mar se binne net sa handich op it lân. De wjukken (of finnen) wurde allinnich yn it wetter brûkt.

Alle fjouwer soarten libje yn relatyf waarmere gebieten as oare pinguïns. Se binne bûn oan kâlde seestreamingen dy't in soad fisk oanfiere:

• Benguelastream (brilpinguïn)
• Humboldtstream (Humboldtpinguïn)
• Falklandstream (Magelhaenpinguïn)
• Cromwellstream (Galapagospinguïn)

De soarten briede yn koloanjes yn hoalen en ûnder strûken of tusken rotsen. In lechsel bestiet meastentiids út twa aaien. Beide âlden briede en fersoargje de piken.

Soarten

Ofbyld	Wittenskiplike namme	Fryske namme	Fersprieding	Status Trend
	Spheniscus demersus	brilpinguïn	Namybje, Súd-Afrika	krityk
	Spheniscus humboldti	humboldtpinguïn	Perû, Sily	kwetsber
	Spheniscus magellanicus	Magelhaenpinguïn	Argentynje, Sily, Brazylje, Oerûguay, Falklâneilannen	net bedrige
	Spheniscus mendiculus	Galapagospinguïn	Galapagoseilannen	bedrige

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Brilpinguïn fan Wikimedia Commons.