Brûnswjukgrûndo
| brûnswjukgrûndo | ||||||||||||
|---|---|---|---|---|---|---|---|---|---|---|---|---|
| ||||||||||||
| taksonomy | ||||||||||||
| ||||||||||||
| soarte | ||||||||||||
| Metriopelia aymara | ||||||||||||
| (Prévost & Worcester, 1840) | ||||||||||||
 IUCN-status: net bedrige
| ||||||||||||
| ferspriedingsgebiet | ||||||||||||
|
De brûnswjukgrûndo (Metriopelia aymara) is in fûgel yn it skaai Andesgrûndowen (Metriopelia) út de famylje dowen (Columbidae).
Beskriuwing
[bewurkje seksje | boarne bewurkje]It doke is in soarte fan 'e Andes yn Súd-Amearika. De namme fan likernôch 18,5 sm lange doke ferwiist nei de foar de soarte karakteristike goudkleurige plakjes op 'e wjukken, dy't yn it sinneljocht glânzgje. De fearren binne fierder sânkleurich oant bêzje en ha in rôze of bleke tint op 'e ûnderdielen. Oars as de oare sibben fan it skaai hat de soarte gjin oranje gebiet om it each.
Fersprieding
[bewurkje seksje | boarne bewurkje]De soarte komt foar yn súd-Perû, westlik Bolivia, noardwestlik Argentynje en noardlik en sintraal-súdlik Sily. It biotoop bestiet út hege berchgebieten op 3.100 oant 4.500 meter hichte yn drûge, rotsige of steppe-eftige kontreien.
Hâlden en dragen
[bewurkje seksje | boarne bewurkje]De fûgel libbet meast op 'e grûn en fleant allinnich by gefaar. It foer bestiet út sied en lytse plantaardige dielen dy't op 'e grûn fûn wurde. It lechsel bestiet út 1-2 aaien yn in ienfâldich nêst, faak yn in lytse holte of tusken stiennen op 'e grûn. Se wurde yn pearkes of lytse groepkes sjoen
Status
[bewurkje seksje | boarne bewurkje]De populaasje wurdt troch de IUCN as net bedrige (LC, 2024) en stabyl beskôge. De soarte hat in grut ferspriedingsgebiet en der binne gjin grutte bedrigingen dy't in hommelse delgong feroarsaakje. Lokaal kinne mynbou yn 'e Andes of yntrodusearre bisten lykas katten in bedriging foar it doke foarmje.
| Boarnen, noaten en/as referinsjes: | ||
|
