Brúnboarstiisfûgel

Brúnboarstiisfûgel
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift rôldereftigen (Coraciiformes) famylje iisfûgels (Alcedinidae) skaai echte beamiisfûgels (Halcyon)
soarte
Halcyon gularis
Kuhl, 1820
IUCN-status: net bedrige

De brúnboarstiisfûgel (Halcyon gularis) is in endemyske fûgelsoarte fan it skaai echte beamiisfûgels (Halcyon) út de famylje iisfûgels (Alcedinidae). De soarte is monotypysk.

Beskriuwing

Lykas de Smyrna-iisfûgel, is de brúnboarstiisfûgel mei in lingte oant 28 sm in relatyf grutte iisfûgelsoarte. In folwoeksen brúnboarstiisfûgel hat in felblauwe rêch, wylst de kop, it boarst en de búk kastanjebrún binne. De likernôch 12 sm lange wjukken binne blau mei grutte swarte skouderplakken en op 'e ein fan 'e bûtenste slachpinnen swarte punten. De snaffel is helderread, lykas ek de poaten. Fuort ûnder de snaffel binne de fearkes wyt.

Fersprieding

De soarte is endemysk op 'e Filipinen, mar komt net foar op Palawan en de Sulu-eilannen. De biotoop bestiet út iepen lân, fivers, sompen, rivieren en boskrânen.

Iten en nêst

De soarte yt ynsekten, reptilen, amfibyen, fiskjes, lytse fûgels, sûchdierkes en bytiden sels flearmuzen. Sit op in hichte fan 5 oant 10 m en dûkt dêr wei nei syn proai.

De soarte briedt fan april oant maaie yn termiteheuvels en in lechsel bestiet út twa oant fjouwer aaien.

Status

Der binne gjin rûzings fan 'e grutte fan 'e populaasje. De oarspronklike biotoop fan 'e fûgel wurdt bedrige troch feroarjend lângebrûk, mar de soarte past him lykas de Smyrna-iisfûgel suksesfol oan it boerelân en oaljepalmplantaazjes oan. De brúnboarstiisfûgel stiet as net bedrige op 'e Reade list fan 'e IUCN (2024).

Keppeling om utens

• Birdlife
• Ebird
• Avibase

Boarnen, noaten en/as referinsjes:

Sjoch foar boarnen en/of referinsjes op en:Brown-breasted kingfisher Commons Wikimedia Commons  Ofbylden dy't by dit ûnderwerp hearre, binne te finen yn de kategory Brúnboarstiisfûgel fan Wikimedia Commons.