Kanielwoffer

Kanielwoffer
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift pilekaaneftigen (Pelecaniformes) famylje reagerfûgels (Ardeidae) skaai reiddompen (Botaurus)
soarte
Botaurus cinnamomeus
Gmelin, 1789
IUCN-status: net bedrige
ferspriedingsgebiet
briedfûgel      stânfûgel      wintergast

De kanielwoffer (Botaurus cinnamomeus, synonym: Ixobrychus cinnamomeus) is in Aziatyske fûgel út 'e famylje fan 'e reagerfûgels.

Skaaimerken

Kanielwoffer yn 'e flecht.

De kanielwoffer is in lytse reiddomp mei in lingte fan likernôch 38 sintimeter, ferlykber yn formaat mei syn nauwe sibben de Sineeske woffer en de brune woffer. It mantsje hat in frij effen kanielbrún fearrekleed en yn 'e flecht binne de wjukken ek kanielbrún, oars as de swarte wjukfearren fan 'e oare twa soarten.

De ferskillen tusken it mantsje en it wyfke binne net grut. It wyfke is ornaris bruner fan kleur en hat mear streken en plakken yn it fearrekleed, benammen op it boarst en op 'e ûnderkant. Jonge fûgels lykje yn harren tekening mear op it wyfke.

Fersprieding

De kanielwoffer komt foar yn súdlik en súd-eastlik Aazje, fan Yndia en Sry Lanka oer Yndoneezje oant yn Sina. Yn syn tropyske ferspriedingsgebiet is it in stânfûgel. De populaasjes yn noardlik Sina binne trekfûgels. Syn foarkarsbiotoop bestiet út wiete gebieten dy't mei ticht reid begroeid binne.

Hâlden en dragen

Juvenyl.

It iten fan 'e kanielwoffer bestiet út lytse fiskjes, kikkerts, weakdieren en ynsekten. De fûgel is meast by it skimerjen aktyf en briedt yn lytse groepen. It nêst bestiet út twigen en gers en wurdt yn tichte reidfjilden of yn strûken of beammen boud. It leit op 'e grûn of oant 1 meter dêrboppe. Der wurde trije oant fiif aaien útbret.

Status

De fûgel wurdt bedrige troch ferlies oan wiete gebieten mei tichte reidseames yn syn ferspriedingsgebiet troch bygelyks wetterbehear, it drûchlizzen fan sompen, stedsútwreidingen of wetterbehear. Fierder fersteure minsklike aktiviteiten de fûgel yn syn habitat. Dêrfoaroer hat de fûgel in ferspriedingsgebiet en alhoewol't de trend net bekend is, klassifisearret de IUCN de soarte as net bedrige (LC) op 'e Reade List.

Boarnen, noaten en/as referinsjes:

BirdLife, oproppen 23 febrewaris 2026. Birds of the World, oproppen 23 febrewaris 2026. Ebird, oproppen 23 febrewaris 2026. Commons Wikimedia Commons  Ofbylden dy't by dit ûnderwerp hearre, binne te finen yn de kategory Kanielwoffer fan Wikimedia Commons.