Blauwjukkûkaburra

Blauwjukkûkaburra
mantsje wyfke
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift rôldereftigen (Coraciiformes) famylje iisfûgels (Alcedinidae) skaai kûkaburra's (Dacelo)
soarte
Dacelo leachii
Vigors & Horsfield, 1827
IUCN-status: net bedrige

De blauwjukkûkaburra (Dacelo leachii) is ien fan 'e fiif fûgelsoarten fan it skaai kûkaburra's (Dacelo) út de famylje iisfûgels (Alcedinidae). De fûgel komt yn Austraalje en op Nij-Guineä foar en is yn syn hâlden en dragen minder opfallend as de gewoane kûkaburra. De witterskiplike namme ferwiist nei de Britske soölooch William Elford Leach.

Beskriuwing

Wyfke.

De oant 40,5 - 44 sm grutte fûgel hat lykas de kûkaburra in lange, foarse snaffel. It ferskil mei de gewoane kûkaburra is de koptekening, dy't op 'e kroan en boppe it each in streekjespatroan hat. De iris is wyt en de stút ljochtblau. De dekfearren fan 'e brune wjukken binne blau. By in mantsje is de sturt donkerblau en by it wyfke readbrún mei donkere bannen (lykas ek by de gewoane kûkaburra).

Fersprieding

Blauwjukkûkaburra's libje yn in brede stripe fan it noardwesten fan Austraalje oant it noarden fan Queensland. Fierder komme se foar yn it suden fan Nij-Guineä fan Mimika (yn 'e Yndonezyske provinsje Papoea oant it savannebiet by Port Moresby yn Papoea Nij-Guineä. It biotoop bestiet út tropysk en subtropysk bosk, savanne's en út en troch ek yn agrarysk gebiet. De fûgel hâldt him skûl yn it grien, is skou foar minsken en ek net by bebouwing te sjen.

De soarte is te ferdielen yn fiif ûndersoarten:

• Dacelo leachii superflua: súdwestik Nij-Guineä.
• Dacelo leachii intermedia: it súdlike diel fan Sintraal en Súdeast-Nij-Guineä.
• Dacelo leachii cervina: Melville-eilân.
• Dacelo leachii occidentalis: it westlike part fan Sintraal-Austraalje.
• Dacelo leachii leachii: it eastlike part fan Austraalje.

Status

De fûgel is yn 'e kearn fan it ferspriedingsgebiet relatyf algemien en der binne gjin oanliedingen om te tinken dat de soarte yn oantallen efterút giet. Dêrfandinne wurdt de soarte troch de IUCN op 'e Reade list as net bedrige klassifisearre.

Boarnen, noaten en/as referinsjes:

Birdlife Ebird Avibase Commons Wikimedia Commons  Ofbylden dy't by dit ûnderwerp hearre, binne te finen yn de kategory Blauwjukkûkaburra fan Wikimedia Commons.