Bladel is in gemeente yn 'e provinsje Noard-Brabân. De gemeente is ûnderdiel fan 'e Kempen. It haadplak is Bladel. De gemeente hat 20.991 (1 jannewaris2024) ynwenners op in oerflak fan 73,60 km². De gemeente Bladel makket diel út fan 'e Metropoalregio Eindhoven.
De hjoeddeiske gemeente Bladel is yn 1997 ûntstien troch in fúzje fan 'e eardere gemeenten Bladel en Netersel en Hoogeloon, Hapert en Casteren. It gemeentehûs yn Hapert waard sletten en it gemeentehûs fan 'e nije gemeente waard nijbou op it plak fan it âlde gemeentehûs yn Bladel.
Njonken plattelânsgebieten hat de hjoeddeiske gemeente ek in soad yndustry, benammen by Hapert en Bladel. Dernjonken waard yn 2011 in grutskalich nij yndustryterrein yn Hapert boud, it Kempysk Bedriuwepark (KBP), dat tusken it sintrum fan Hapert en de sneldyk leit. Yn dy tiid waard ek in nije ferbining mei de A67 oanlein. De earste bedriuwen iepenen dêr yn 2012.
Yn 2014 stie de gemeente Bladel yn 'e top 10 fan 'e sterkste ekonomyske gemeenten fan Nederlân.[2]
.png)
· 
· 